جۇما, 29 ناۋرىز 2024
جاڭالىقتار 2805 0 پىكىر 20 جەلتوقسان, 2013 ساعات 09:05

7 جىلعا كەشىككەن شىندىق: التىنبەك سارسەنبايۇلىن ولتىرۋگە تاپسىرىس بەرگەن – راحات اليەۆ

بۇگىن باس پروكۋراتۋرا وسىنداي مالىمدەمە تاراتتى. ايگىلى ساياساتكەر، قازاقستاننىڭ دەموكراتيالىق جاڭارۋ مەن جاڭعىرۋىنىڭ كوشباسشىسى بولعان التىنبەك سارسەنبايۇلى مەن كومەكشىسى باۋىرجان بايبوسىن، جۇرگىزۋشىسى ۆاسيلي جۋراۆلەۆ 2006 جىلى 11 اقپاندا كىسى قولىنان قازا تاپقاندا-اق، قانقۇيلى قىلمىستىڭ ارتىندا راحات اليەۆتىڭ تۇرعاندىعى جايلى ءسوز ەل ىشىندە جەلدەي ەسكەن. «ەل قۇلاعى -ەلۋ»، «حالىق ايتسا قالت ايتپايدى» دەگەن وسى شىعار. مىنە، اقىرى بيلىك بۇكىل قوعامنىڭ دامۋىن شەگەرىپ، دەموكراتياعا قارسى جاسالعان قاستاندىقتىڭ كىمنىڭ قولىمەن ۇيىمداستىرىلعانىن مويىنداپ، جاريا ەتتى.

اقيقات پەن شىندىقتىڭ رەسمي نۇسقاسى تابانى كۇرەكتەي 7 جىلعا كەشىكتى.

باس پروكۋراتۋرانىڭ مالىمدەمەسىن نەشە ساققا جۇگىرتىپ، ءارتۇرلى جورامالداۋعا بولار. بىراق، باستىسى، ناعىز قاندى قول قىلمىسكەردىڭ كىم ەكەنى رەسمي تۇردە جاريا ەتىلىپ، مويىندالدى. وسىنىڭ ءوزى – شىندىق ءبارىبىر سالتانات قۇرادى دەگەنگە ۇمىتتەندىرەدى...

مالىمدەمەگە قاتىستى التىنبەك سارسەنبايۇلىنىڭ تۋىستارى مەن وتباسى مۇشەلەرىنىڭ پىكىرلەرىن الداعى ۋاقىتتا جاريالايتىن بولامىز.

ازىرگە باس پروكۋراتۋرانىڭ مالىمدەمەسىنىڭ تولىق نۇسقاسىن جاريالاپ وتىرمىز.

Abai.kz

 

قازاقستان رەسپۋبليكاسى باس پروكۋراتۋراسىنىڭ رەسمي حابارلاماسى

 

بۇگىن باس پروكۋراتۋرا وسىنداي مالىمدەمە تاراتتى. ايگىلى ساياساتكەر، قازاقستاننىڭ دەموكراتيالىق جاڭارۋ مەن جاڭعىرۋىنىڭ كوشباسشىسى بولعان التىنبەك سارسەنبايۇلى مەن كومەكشىسى باۋىرجان بايبوسىن، جۇرگىزۋشىسى ۆاسيلي جۋراۆلەۆ 2006 جىلى 11 اقپاندا كىسى قولىنان قازا تاپقاندا-اق، قانقۇيلى قىلمىستىڭ ارتىندا راحات اليەۆتىڭ تۇرعاندىعى جايلى ءسوز ەل ىشىندە جەلدەي ەسكەن. «ەل قۇلاعى -ەلۋ»، «حالىق ايتسا قالت ايتپايدى» دەگەن وسى شىعار. مىنە، اقىرى بيلىك بۇكىل قوعامنىڭ دامۋىن شەگەرىپ، دەموكراتياعا قارسى جاسالعان قاستاندىقتىڭ كىمنىڭ قولىمەن ۇيىمداستىرىلعانىن مويىنداپ، جاريا ەتتى.

اقيقات پەن شىندىقتىڭ رەسمي نۇسقاسى تابانى كۇرەكتەي 7 جىلعا كەشىكتى.

باس پروكۋراتۋرانىڭ مالىمدەمەسىن نەشە ساققا جۇگىرتىپ، ءارتۇرلى جورامالداۋعا بولار. بىراق، باستىسى، ناعىز قاندى قول قىلمىسكەردىڭ كىم ەكەنى رەسمي تۇردە جاريا ەتىلىپ، مويىندالدى. وسىنىڭ ءوزى – شىندىق ءبارىبىر سالتانات قۇرادى دەگەنگە ۇمىتتەندىرەدى...

مالىمدەمەگە قاتىستى التىنبەك سارسەنبايۇلىنىڭ تۋىستارى مەن وتباسى مۇشەلەرىنىڭ پىكىرلەرىن الداعى ۋاقىتتا جاريالايتىن بولامىز.

ازىرگە باس پروكۋراتۋرانىڭ مالىمدەمەسىنىڭ تولىق نۇسقاسىن جاريالاپ وتىرمىز.

Abai.kz

 

قازاقستان رەسپۋبليكاسى باس پروكۋراتۋراسىنىڭ رەسمي حابارلاماسى

 

2006 جىلعى 11 اقپاندا الماتى قالاسىندا التىنبەك سارسەنبايۇلىنىڭ، ۆاسيلي جۋراۆلەۆتىڭ جانە باۋىرجان بايبوسىننىڭ ۇرلانىپ، ءولتىرىلۋى ورىن العان بولاتىن.

ىشكى ىستەر ورگاندارىمەن تەرگەلۋ بارىسىندا وسى قىلمىسقا قاتىستى تۇلعالار انىقتالعان. ول رۋستام يبراگيموۆ جانە تاعى باسقا 9 تۇلعا.

ءوز كەزەگىندە يبراگيموۆ التىنبەك سارسەنبايۇلىن ولتىرۋگە تاپسىرىس بەرۋشى رەتىندە سول ساتتە قازاقستان رەسپۋبليكاسى پارلامەنتى سەناتىنىڭ اپپارات جەتەكشىسى لاۋازىمىن اتقارىپ وتىرعان ەرجان وتەمباەۆتىڭ اتىن ايتتى.

تەرگەۋمەن انىقتالعان بارلىق تۇلعالار 2006 جىلعى 31 تامىزدا الماتى وبلىستىق سوتىمەن ۇزاق مەرزىمگە باس بوستاندىقتارىنان ايىرۋعا، ال يبراگيموۆ تىكەلەي ۇيىمداستىرۋشى جانە ورىنداۋشى رەتىندە كەيىننەن ءومىر بويىنا باس بوستاندىعىن شەكتەۋگە اۋىستىرىلعان جازالاۋدىڭ جوعارعى شاراسىنا تارتىلدى.

دەي تۇرعانىمەن، 2012 جىلعى 16 ساۋىردە تۇزەۋ مەكەمەسىندە جازاسىن وتەۋدەگى يبراگيموۆ جاسالعان قىلمىستىڭ بۇدان بۇرىن قۇقىق قورعاۋ جانە سوت ورگاندارىنا بەلگىلى بولماعان ءمان-جايلار حابارلانعان ارىزبەن قازاقستان رەسپۋبليكاسىنىڭ جوعارعى سوتىنا جۇگىندى.

بۇل ارىزدا ول ءبىرىنشى رەت ادام ءولتىرۋدى جاساعانىن مويىندادى، ونى جاساۋ ءمان-جايلارىن ەگجەي-تەگجەيلى بەينەلەپ بەردى، سونداي-اق التىنبەك سارسەنبايۇلىن ولتىرۋگە تاپسىرىس بەرۋشى شىن مانىندە ەرجان وتەمباەۆ ەمەس، راحات اليەۆ پەن ءالنۇر مۇساەۆ ەكەندەرىن كورسەتتى.

قازاقستان رەسپۋبليكاسى جوعارعى سوتىنىنىڭ تاپسىرماسى بويىنشا قوسىمشا الىنعان جاۋاپتاردىڭ شىنايلىعى باس پروكۋراتۋرا، ۇلتتىق قاۋىپسىزدىك كوميتەتى جانە ىشكى ىستەر مينيسترلىگى قىزمەتكەرلەرىنەن ارنايى قۇرىلعان جەدەل-تەرگەۋ توبىمەن تەكسەرىلدى.

بۇل رەتتە، قازاقستان رەسپۋبليكاسى باس پروكۋراتۋراسىنىڭ ءوتىنىشى بويىنشا تەرگەۋگە امەريكا قۇراما شتاتتارىنىڭ فەدەرالدىق تەرگەۋ بيۋروسى تىكەلەي قاتىستى.

تەرگەۋ ناتيجەلەرىمەن جاڭادان اشىلعان ءمان-جايلار ءوز دالەلىن تاپتى.

اتاپ ايتقاندا، 2006 جىلى رۋستام يبراگيموۆ پوليگرافولوگيالىق زەرتتەۋ جانە اقش-تىڭ فەدەرالدىق تەرگەۋ بيۋروسىنىڭ اگەنتتەرىنە بەرگەن سۇحباتىنان كەيىن ولارعا ادام ءولتىرۋدىڭ شىن مانىندەگى تاپسىرىس بەرۋشىسى راحات اليەۆ ەكەندىگىن ايتقانى انىقتالدى.

بۇل رەتتە، يبراگيموۆ اليەۆ پەن مۇساەۆتىڭ تاراپىنان ءوزىنىڭ وتباسىنىڭ قاۋىپسىزدىگى قاتەرىنەن قۇقىق قورعاۋ ورگاندارىنا رەسمي جاۋاپ بەرۋدەن باس تارتقان جانە بۇل اقپاراتتى جاريالاماۋدى سۇراعان.

قازىرگى ۋاقىتتا رۋستام يبراگيموۆتىڭ ارىزىن تەرگەۋ شەڭبەرىندە اقش-تىڭ فەدەرالدىق تەرگەۋ بيۋروسى بۇل اقپاراتتى ءوزارا ارەكەتتەسۋ بارىسىندا ءتيىستى قۇجاتتاردى ۇسىنا وتىرىپ، راستادى.

جاڭا تەرگەۋ بارىسىندا يبراگيموۆ جەكە باس ارازدىعىنا وراي، راسىندا دا ەرجان وتەمباەۆ ودان التىنبەك سارسەنبايۇلىن ۇرىپ-سوعۋدى سۇراعانىن كورسەتتى. بۇل جونىندە راحات اليەۆكە ءمالىم بولعان. ول ءالنۇر مۇساەۆپەن بىرلەسىپ، جاعدايدى پايدالانىپ قالۋدى شەشكەن جانە ەرجان وتەمباەۆتىڭ تاپسىرىسىن ورىنداۋ سىماق بولىپ، يبراگيموۆقا التىنبەك سارسەنبايۇلىن ءولتىرۋدى تاپسىرعان.

يبراگيموۆتىڭ ۋاجدەرى تەرگەۋ بارىسىندا جيناقتالعان وبەكتيۆتى دالەلدەمەلەرمەن تولىقتاي راستالدى. اليەۆ پەن مۇساەۆتىڭ التىنبەك سارسەنبايۇلىن جانە ونىڭ ەكى جولسەرىگىن ولتىرۋگە تاپسىرىس بەرۋگە جانە ۇيىمداستىرۋعا قاتىستىلىعى جونىندەگى ۆەرسيانى راستايتىن جاڭا زاتتاي دالەلدەمەلەر مەن كۋالەردىڭ جاۋاپتارى الىندى.

2013 جىلعى تامىزدا رۋستام يبراگيموۆتىڭ جانە بىرقاتار ءتۇيىندى كۋالەردىڭ ءتيىستى جاۋاپتارى شاقىرىلعان اقش-تىڭ فەدەرالدىق تەرگەۋ بيۋروسىنىڭ پوليگرافولوگ-ماماندارىمەن شىنايلىق مانىنە تەكسەرىلىپ، راستالدى.

جوعارىدا كەلتىرىلگەنگە بايلانىستى، 2013 جىلعى 11 جەلتوقساندا باس پروكۋراتۋرامەن قازاقستان رەسپۋبليكاسىنىڭ جوعارعى سوتىنا التىنبەك سارسەنبايۇلىن، ۆاسيلي جۋراۆلەۆتى جانە باۋىرجان بايبوسىندى ءولتىرۋ جونىندەگى ءىس بويىنشا شىعارىلعان ۇكىمدى ءىشىنارا قايتا قاراۋ قاجەتتىگى تۋرالى قورىتىندى جولداندى.

2013 جىلعى 19 جەلتوقساندا قازاقستان رەسپۋبليكاسىنىڭ جوعارعى سوتىمەن رۋستام يبراگيموۆتىڭ ارىزىن قاراۋ ناتيجەسى بويىنشا جانە جيناقتالعان جاڭا ماتەريالدار ەسكەرىلىپ، ەرجان وتەمباەۆقا قاتىستى بۇدان بۇرىن قاۋلى ەتىلگەن ۇكىم ءىشىنارا بۇزىلدى.

قىلمىستىڭ وزگە قاتىسۋشىلارىنا قاتىستى ۇكىمدى قايتا قاراۋ ءۇشىن نەگىزدەر انىقتالمادى، سەبەبى، تابىلعان جاڭا دالەلدەمەلەر ولاردىڭ ارەكەتتەرىنىڭ سارالانۋىنا اسەر ەتپەيدى.

ءدال وسى كۇنى، 19 جەلتوقساندا جوعارعى سوت قىلمىستىق ءىستى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا جاڭادان سوتتا قاراۋعا جىبەردى.

ءتيىستى سوت شەشىمى قابىلدانعان جاعدايدا راحات اليەۆكە جانە ءالنۇر مۇساەۆقا قاتىستى تىكەلەي قىلمىستىق ءىس قوزعالىپ، اقش-تىڭ فەدەرالدىق تەرگەۋ بيۋروسى قىزمەتكەرلەرىنىڭ قاتىسۋىمەن ولاردىڭ التىنبەك سارسەنبايۇلىنىڭ، ۆاسيلي جۋراۆلەۆتىڭ جانە باۋىرجان بايبوسىننىڭ ولتىرىلۋىنە قاتىستىلىعى مانىنە الدىن الا تەرگەۋ جۇرگىزىلەتىن بولادى.

كورسەتىلگەن قۇقىقتىق پروتسەسستەردىڭ ناتيجەلەرى تۋرالى قوسىمشا حابارلاناتىن بولادى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596