«QazaqGaz» ۇك» اق مەن Trans-Asia Gas Pipeline Company Limited (CNPC ەنشىلەس كاسىپورنى) بىرلەسكەن كاسىپورنى – «ازيالىق گاز قۇبىرى» جشس سۋ تاسقىنىنان زارداپ شەككەندەرگە كومەك كورسەتۋ ءۇشىن «Samruk-Kazyna Trust» كورپوراتيۆتىك قورىنا 1 ملرد.تەڭگە جىبەردى. كومپانيا باسشىلىعىنىڭ قاتىسۋىمەن كورسەتىلگەن سوماعا سەرتيفيكاتتى رەسمي تاپسىرۋ شاراسى ءوتتى.

بۇعان دەيىن «QazaqGaz» ۇك» اق باسشىلىعى ۇلتتىق كومپانيامەن بىرلەسىپ جۇمىس ىستەيتىن بارلىق ترانسۇلتتىق كاسىپورىنداردى تاسقىن سۋمەن كۇرەسىپ جاتقان حالىقتى قولداۋعا شاقىرعان بولاتىن. العاشقىلاردىڭ ءبىرى بولىپ قىتاي ۇلتتىق مۇناي كورپوراتسياسى (CNPC) جاۋاپ بەردى. «ازيالىق گاز قۇبىرى» جشس ءوز اكتسيونەرلەرىنە ۇندەۋىنەن كەيىن، «QazaqGaz» ۇك» اق مەن CNPC قايىرىمدىلىق باستاماسىن قولدادى.  بىرلەسكەن كاسىپورىننىڭ باقىلاۋ كەڭەسىنىڭ شەشىمىمەن قارجىلاي كومەك ءبولىندى.

ايتا كەتۋ كەرەك، كومپانيالار توبىنىڭ قىزمەتكەرلەرى دە اپاتتىق-قۇتقارۋ جۇمىستارىنا ۇلەس قوسىپ، ەرىكتىلەر جاساقتارىن قۇردى. اتاپ ايتقاندا، «ازيالىق گاز قۇبىرى» جشس جەرگىلىكتى كاسىپوداعى اتىراۋعا سوماسى 10 ميلليون تەڭگەدەن اساتىن گۋمانيتارلىق كومەك جونەلتتى. سونىمەن قاتار، QazaqGaz Jastary جاستار كەڭەسى ءبىر كۇندىك جالاقىنى جيناۋعا باستاماشى بولدى، سونىمەن قاتار، جاعالاۋلاردى قورعاۋ جۇمىستارىنا قاتىستى.

سونىمەن قاتار، QazaqGaz كومپانيالار توبىنىڭ قىزمەتكەرلەرى سۋ تاسقىنىنىڭ سالدارىن جويۋ شارالارىن جالعاستىرۋدا. اتاپ ايتقاندا، تابيعي اپاتتان زارداپ شەككەن ايماقتارداعى گاز نىساندارىندا سۋ تاسقىنىنان كەيىنگى جۇمىستار جۇرگىزىلۋدە. QazaqGaz كومپانيالار توبى دا زارداپ شەككەن ايماقتاردى قولداۋ ءۇشىن قوسىمشا شارالار قابىلداۋدا.

Abai.kz