مولدوۆا رەسپۋبليكاسى مەن ۋكراينا ەۋرووداققا كىرۋ تۋرالى كەلىسسوزدەردى رەسمي تۇردە باستادى. بۇل تۋرالى Mezgil.kz اقپاراتتىق پورتالى جازدى. 

ەۋروپالىق وداق ءبىر جاعىنان، ۋكراينا مەن مولدوۆا رەسپۋبليكاسى ەكىنشى جاعىنان كەلىسسوزدەر جۇرگىزە باستايدى. بۇل كەلىسسوزدەردىڭ العاشقى كەزدەسۋى ليۋكسەمبۋرگتە وتەدى. بۇل – اتالعان ەكى مەملەكەتكە ەو-نىڭ تولىق قۇقىلى مۇشەسى بولۋعا مۇمكىندىك بەرۋ ءۇشىن جاسالىپ وتىر. ەو مەن ءۇشىنشى ەل اراسىنداعى كەلىسسوزدەر ۇكىمەتارالىق كونفەرەنتسيا (IGC) اياسىندا وتپەك.

رەگلامەنت بويىنشا، ليۋكسەمبۋرگتەگى كەلىسسوزدەر كەلەسى تارتىپپەن وتەدى. ەو-27 ۋكراينامەن كەلىسسوزدەردى رەسمي تۇردە ءبىرىنشى بولىپ باستايدى. ونان سوڭ، كەلىسسوزدەر مولدوۆا رەسپۋبليكاسىنىڭ دەلەگاتسياسىمەن جالعاسادى.

بۇل كەلىسسوزدەردىڭ باستالۋى – ەو-نىڭ 26 ەلى اراسىندا قول جەتكىزىلگەن قيىن كەلىسىمنىڭ ناتيجەسى. بۇل كەلىسسوزدەرگە قارسى بولعان جالعىز – ۆەنگريا. ەو-نىڭ 26 ەلى ۆەنگريانى وسى پروتسەسكە بوگەت جاساماۋعا كوندىرىپ باقتى. قيىننان قيىستىردى. ايتپەسە، ۆەنگريا پرەمەر-ءمينيسترى ۆيكتور وربان ۋكراينانىڭ ەو-عا كىرۋى تۋرالى كەز كەلگەن كەلىسسوزدەرگە قاتاڭ قارسى پوزيتسياداعى ادام.

وربان جەلتوقساندا ەو-27 كوشباسشىلارىنىڭ سامميتىندە كەلىسسوزدەر ۇستەلىنەن كەتۋگە كەلىستى، ال وزگە 26 ەلدىڭ باسشى-قوسشىلارى ەو-عا كىرۋ تۋرالى كيەۆ جانە كيشينەۆپەن كەلىسسوزدەردى باستاۋ تۋرالى شەشىم قابىلدادى.

ەۋروينتەگراتسيا: كەلىسسوز پروتسەسسى قالاي جۇزەگە اسپاق؟

ۇكىمەتارالىق كونفەرەنتسيانىڭ رەسمي اشىلۋىنان كەيىن كەلىسسوز جۇرگىزۋشىلەر الدىمەن ەكى ەلدىڭ زاڭناماسىن ەگجەي-تەگجەيلى قاراپ، ونىڭ ەو زاڭناماسىمەن ۇيلەسىمدىلىگىن تالدايدى. بريۋسسەل جارگونىندا «سكرينينگ» دەپ اتالاتىن بۇل كەزەڭ ادەتتە ءبىر جىلدان ەكى جىلعا دەيىن سوزىلادى.

ال ۋكرايناعا نەمەسە مولدوۆا رەسپۋبليكاسىنا قاتىستى جاعداي جىلدام بولادى. ەۋروديپلوماتيا باسشىلارى وسىعان دەيىنگى پروتسەسستەردىڭ جاي-جاپسارىن تالداپ، وسىنداي شەشىم شىعارعان. دەسە دە، بۇگىن باستالىپ وتىرعان كەلىسسوزدەر كەزەڭى بىرنەشە اپتالاردان، بىرنەشە ايلارعا دەيىن جالعاسۋى مۇمكىن.

وعان قوسا، 1 شىلدەدەن باستاپ ۋكراينانى ەو-عا قابىلداۋعا اسا ىنتاسى جوق ۆەنگريا 27 مۇشە مەملەكەتتىڭ مينيسترلەرىن بىرىكتىرەتىن ەو كەڭەسىنە التى اي بويى توراعالىق ەتەدى.

ۆەنگريا كيەۆپەن كەلىسسوزدەردىڭ رەسمي باستالۋىن ءالى دە كەيىنگە قالدىردى. 7 ماۋسىمدا ەۋروكوميسسيا ۋكراينا مەن مولدوۆا رەسپۋبليكاسى كىرۋ ءۇشىن بارلىق العىشارتتاردى ورىندادى دەپ ەسەپتەدى.

ەۋروپالىق اتقارۋشى ديرەكتور كيەۆتەن جەمقورلىق پەن وليگارحتاردىڭ يەلىگىنە قارسى كۇرەس شارالارىن قابىلداۋدى سۇرادى. كوميسسيا سونداي-اق، ۇلتتىق ازشىلىققا كوبىرەك كوڭىل بولۋگە شاقىردى. بۇل تۋرالى بۋداپەشت ۋكرايناداعى ۆەنگر قاۋىمىنىڭ قاتىسۋىنا بايلانىستى قاتۋلانا سۇرادى.

ەۋرووداق ۋكرايناعا 2022 جىلدىڭ ماۋسىمىندا كورشى مولدوۆا رەسپۋبليكاسى سياقتى سوعىس باستالعاننان كەيىن بىرنەشە اي وتكەن سوڭ وتە سيمۆولدىق يشاراتپەن كانديدات ەل مارتەبەسىن بەردى.

كەلىسسوزدەردىڭ باستالۋى - بۇل ەو-عا قوسىلۋ پروتسەسسىنىڭ ۇزاق ءارى قيىن ءبىر كەزەڭى عانا. ءوز كەزەگىندە ەو بۇل كەڭەيۋدى ەڭسەرۋ ءۇشىن ءوزىن رەفورمالاۋعا نيەتتى جانە ونسىز دا كۇردەلى شەشىم قابىلداۋ پروتسەسسىن جاقسارتۋعا نيەتتى.

Abai.kz