كرەملدىڭ قازاقستانداعى «ۆەربوۆكىسى» جالعاسۋدا...
![](https://abai.kz/content/uploads/2024/07/0UP0yK8bqU.jpg)
كرەمل قازاقستانداعى ءورىستىلدى جۋرناليستەردى ۆەربوۆكى جاساۋدا...
Fragment-كە جەتكەن مالىمەت بويىنشا روسسوترۋدنيچەستۆو قازاقستاندىق جۋرناليستەردى ءوز ىقپالىنا كوندىرۋگە مۇددەلى.
بۇل، اسىرەسە، رەسەيمەن شەكارالاس، ءبىرشاما ورىس ۇلتى وكىلدەرى تۇراتىن، ورىس ءتىلدى ورتا قالىپتاسقان ەلىمىزدىڭ سولتۇستىك، باتىس، شىعىس وبلىستارىندا ايرىقشا بايقالىپ وتىر.
ولارعا رف سىرتقى ىستەر مينيسترلىگىنە قاراستى قازاقستانداعى باس كونسۋلدىقتار ەرەكشە قولداۋ كورسەتۋدە. سوڭعى بىرەر جىلدا ورىس ءتىلىن، مادەنيەتى مەن ادەبيەتىن كەڭىنەن ناسيحاتتايمىز دەگەن جەلەۋمەن ءورىستىلدى جۋرناليستەر ماسكەۋ، سانكت-پەتەربور جانە ت.ب. قالالاردا وتكەن سەمينار، ترەنينگ، كونفەرەنتسيالارعا شاقىرتۋ الىپ، قاتىسۋدان قولى بوساماي ءجۇر.
باسا نازار اۋداراتىن جاعداي – وسىنداي شارالارعا شاقىرتۋ العانداردىڭ جاسى 35-تەن اسپاۋى كەرەك دەگەن جازىلماعان تالاپ بار. ياعني، كرەملگە جازارىن جازىپ بولعان قارت تىلشىلەر ەمەس، بەلسەندى، ساناسى سەرگەك، ايداۋعا وڭاي ەرىپ، يلەۋگە تەز كونەتىن جاس جۋرناليستەر كەرەك بولىپ تۇر.
قاتىسۋشىلاردىڭ ايتۋىنشا، بۇل باسقوسۋلاردا «ورىس الەمىنىڭ» وزگەلەردەن ارتىقشىلىعى، رەسەيلىك ءبىلىم جۇيەسىنىڭ وزىقتىعى، «ارنايى وپەراتسيانىڭ» تيىمدىلىگى، ەۋروپالىق قۇندىلىقتاردى جوققا شىعارۋ جانە باسقا دا كوپتەگەن رەسەي بيلىگىنە ىڭعايلى تاقىرىپتار قامتىلاتىن كورىنەدى. سونىمەن قاتار، جاقسى جالاقى تولەۋ ارقىلى قازاقستاندىق جۋرناليستەردى «ورىس الەمىنىڭ» وربيتاسىنا تارتۋ فاكتىلەرى كەزدەسۋدە. «جۇمساق كۇش» ساياساتىنىڭ كوزدەگەنى رەسەي بيلىگىنىڭ مۇددەسىن جۇزەگە اسىراتىن ىقپال ەتۋ اگەنتتەرىن ازىرلەپ، ەلىمىزدىڭ ىشىنە ىرىتكى سالۋ، حالىق اراسىندا سەپاراتيزم ۇرىعىن سەبۋ ەكەنى ايدان انىق. ەكىنشى جاعىنان، كىمنەن اقشا الساڭ، سونىڭ ءسوزىن سويلەيتىن زاماندا الەۋمەتتىك جاعىنان قورعالماعان، ءالى كۇنگە مارتەبەسى ايقىندالماعان قازاقستاندىق قالام ۇستاعان قاۋىمعا دا رەنجۋ قيىن.
قىسقاسى، بەيبىت كۇنىمىز باسىمىزدان ءبۇلبۇل ۇشپاسى دەسە، بۇل قازاقستان بيلىگى مىقتاپ باس قاتىرۋى ءتيىس. Fragment-كە جەتكەن تاعى ءبىر ينسايد بويىنشا روسسوترۋدنيچەستۆو رەسەيدى قارسى جۇمىس ىستەيتىن قازاقستاندىق مەديا مەن بىرقاتار جۋرناليستەردى "ينواگەنت" تىزىمىنە كىرگىزىپ، ولاردى قارالاۋ ناۋقانىن جۇزەگە اسىرماق.
Abai.kz