پاريج تورىندە ءوتىپ جاتقان وليمپيادادا بوكشىلارىمىزدىڭ ءبىرازى جارىس جولىنان شىعىپ قالدى. ەلىمىزدىڭ ءۇمىتىن تەك ەكى بوكشىمىز عانا اقتاعالى تۇر. دەگەنمەن ەلىمىز بوكستان جوعارى ناتيجە كورسەتەمىز دەپ ۇمىتتەنگەن ەدى.

اbai.kz ءتىلشىسى مەملەكەت جانە قوعام قايراتكەرى، پەداگوگيكا عىلىمدارىنىڭ دوكتورى، تالاي جىل سپورت سالاسىندا قىزمەت ەتكەن مامان امالبەك تشانوۆتان بوكشىلارىمىزدىڭ جۇلدەگە قول جەتكىزە الماۋىنىڭ سەبەبىن سۇرادى.

امالبەك تشانوۆ:

- بوكسشىلارىمىزدىڭ جوعارى ناتيجەگە قول جەتكىزە الماۋىنىڭ بىرنەشە سەبەبى بار. ەڭ الدىمەن سپورتشىلار جاس كەزىنەن تاڭداپ الىنۋى كەرەك. ويتكەنى ولاردىڭ پوتەنتسيالى سپورت مەكتەبىندە وقىپ جۇرگەن ساتىنەن بىلىنەدى. ءبىز تاڭداپ العان سپورتشىنى ءارى قاراي جەتىلدىرۋگە كۇش سالۋىمىز كەرەك. قازىر ول جاعى كەمشىن.

بىزدە جالپى جۇيە دۇرىس ەمەس. قازىر باس باپكەردىڭ اينالاسىنان شىعا الماي ءجۇرمىز. ال ناعىز باپكەرلەر سونىڭ كولەڭكەسىندە قالىپ قويۋدا.

كەزىندە ءبىزدىڭ بوكسەرلارىمىز كەمىندە 3-4 التىن الىپ كەلەتىن. ول كەزدەگى بوكس فەدەراتسياسى جۇيەلى جۇمىس ىستەيتىن. سپورتشىلارىمىزدان مىنەز بايقالاتىن. ال قازىر بىزدە تاڭداۋ دۇرىس جاسالمايدى.

ودان بولەك دايىندىقتا تياناقتىلىق، جان-جاقتىلىق جەتىسپەيدى. بوكستىڭ تاكتيكالدارى دا يگەرىلمەگەن. ءتىپتى، جاي عانا دۇرىس قورعانۋدى بىلمەيدى.

الدىنداعى وليمپيادادا سپورتشىلارىمىز قولا جۇلدەمەن ورالعانىن بىلەسىزدەر. بيىلعى دودادا ەكى بوكشىمىزعا عانا سەنىم ارتىپ وتىرمىز.

تاعى ءبىر ماسەلەنى ايتا كەتەيىن، قازىر سپورتشىلاردى العان جۇلدەسىنە بەرىلەتىن قارجى الاڭداتادى. مەنىڭ ويىمشا، سپورتشىنىڭ كوز الدىنا اقشا عانا ەلەستەپ تۇرادى. بۇل دۇرىس ەمەس. ءبىز جۇلدە العان سپورتشىنى باتىر جاساپ، كوككە شىعارىپ جىبەرەمىز. وكىنىشتىسى، سول جۇلدىز بولىپ، جەرگە تۇسە الماي قالاتىندارى بار. ارينە، ءار سپورتشى ءتيىستى سىيىن الۋ كەرەك. بىراق، ولاردان باتىر جاساۋدىڭ قاجەتى جوق دەپ ويلايمىن. ول ەل نامىسىن اسقاقتاتۋى ءۇشىن ءبىر ورىندا توقتاپ قالماي، ءارى قاراي كۇش سالۋى كەرەك. 

Abai.kz