وزبەكستان قازاقستاندى قوسا العاندا، ورتالىق ازيا ەلدەرىمەن ءوزارا سەنىم مەن تاتۋ كورشىلىككە نەگىزدەلگەن قاتىناستاردى دا­مى­تۋ جولىمەن ءجۇرىپ كەلەدى. وزبەك جانە قازاق حالىقتارى جا­قىن كورشىلەر عانا ەمەس، كوپجاقتى ىنتىماقتاستىقتىڭ كو­پ­تە­­گەن اسپەكتىسى بويىنشا ءبىر-ءبىرىن باۋىرلار رەتىندە قولداپ وتىرادى.

سوندىقتان دا وزبەكستان مەن قازاقستان – جاقىن كورشى­لەر، سەنىمدى ارىپتەستەر جانە قا­تار قونىس تەپكەن باۋىرلاس مەم­لەكەتتەر. ەكى ەلدىڭ حالىقتا­رى اراسىنداعى ءوزارا بايلانىس­تار مەن باۋىرلاستىق قاتىناس­تاردىڭ ۇزاق تاريحى بار. كەيىن­گى جىلدارى ەكى مەملەكەت ارا­سىن­داعى ىنتىماقتاستىقتىڭ جاڭا كەزەڭى باستالدى. ساياسي، ساۋدا-ەكونوميكالىق، مادەني-گۋماني­تارلىق جانە باسقا سالالارداعى ءوزارا ءتيىمدى قاتىناستار قارقىن­دى دامىپ جاتىر.

قازاقستان ءبىزدىڭ ەلدىڭ ورتا­­لىق ازياداعى نەگىزگى ساۋدا-ەكونوميكالىق ارىپتەسى ەكەن­دىگىن ەرەكشە اتاپ وتكەن ءجون. 2016 جىلدان بەرى وتكىزىلىپ كەلە جاتقان جوعارى دەڭگەيدەگى كەزدەسۋلەردىڭ ارقاسىندا ەلدەرىمىز اراسىنداعى ءوزارا ءتيىمدى قارىم-قاتىناس جاڭا كەزەڭگە ءوتتى. 2016 جىلعى قىر­كۇيەكتەن باستاپ جوعارى دەڭ­گەيدەگى 5 مەملەكەتتىك ساپار جانە 10-نان استام جۇمىس ساپارى بولدى، تاراپتار اراسىندا 20-دان استام كەزدەسۋ وتكىزىلدى. وسى كەزدەسۋلەر بارىسىندا 230-عا جۋىق مەملەكەتارالىق، ۇكىمەتارالىق جانە سالاارالىق قۇجاتقا قول قويىلدى. ولار ەلدەرىمىز ارا­سىن­داعى ىنتىماقتاستىقتىڭ قۇقىق­تىق نەگىزى بولىپ سانالادى. بۇ­عان قوسا، وزبەكستان مەن قازاق­ستان بۇۇ، تمد، شىۇ، يىۇ، تۇركى­تىل­دەس مەملەكەتتەر ۇيىمى جانە باس­قا دا قۇرىلىمدار اياسىندا بەل­سەن­دى تۇردە ىنتىماقتاسىپ وتىر.

2018 جىلى «قازاقستانداعى وزبەكستان جىلىن» جانە 2019 جىلى «وزبەكستانداعى قازاقستان جىلىن» وتكىزۋ ەلدەرىمىزدىڭ مادە­ني-گۋمانيتارلىق سالالار­داعى ىنتىماقتاستىعىن ايتار­لىقتاي نى­عايتتى.

مەملەكەتتەر اراسىنداعى قاتىناستار وزبەكستان رەسپۋبليكاسى مەن قازاقستان رەسپۋبليكاسى اراسىنداعى ماڭگىلىك دوستىق تۋرالى شارتتى (1998 جىل), ستراتەگيالىق ارىپتەستىك تۋرالى شارتتى (2013 جىل), وداقتاستىق قاتىناستار تۋرالى شارتتى (2023 جىل) جانە جاقىن ارىپتەستىك، تەڭدىك، بىرلىك جانە جوعارى سەنىم قاعيداتتارى باياندالعان باسقا دا قۇجاتتاردى قوسا العاندا، بىرقاتار قۇجات نەگىزىندە نىعايا ءتۇستى.

بۇگىنگى تاڭدا ەكى ەلدىڭ كوشباسشىلارى كوپجاقتى ارىپتەستىكتى دايەكتى تۇردە دامىتۋعا جانە نىعايتۋعا دەگەن نىق ۇمتىلىسىن، سونداي-اق جاڭا بيىكتەرگە يىق تىرەستىرە جەتۋ نيەتىن كورسەتىپ ءجۇر. ءوزارا دوستىق بايلانىستار ناقتى پراكتيكالىق قادامدارمەن بايىتىلىپ، جوعارى تراەكتوريا بويىنشا دامىپ كەلەدى.

***

«وزبەك پەن قازاق – جاقىن كورشى عانا ەمەس، ورتاق تاريحي مۇرا، مادەني جانە رۋحاني قۇندىلىق بايلانىستىرعان باۋىرلار. بۇل – باعا جەتپەس بايلىعىمىز، ءبىز ونى ايرىقشا باعالايمىز. مەن تاعدىرىمىز قانداي ورتاق بولسا، بولاشاعىمىز سونداي ورتاق بولاتىنىنا سەنەمىن»

شاۆكات ميرزيوEۆ،

وزبەكستان رەسپۋبليكاسىنىڭ پرەزيدەنتى

***

بۇل رەتتە ەكى ەل اراسىنداعى ىنتىماق­تاس­تىق ديناميكاسىنا توقتالۋ ورىندى. قازاقستان اۋماعىندا وزبەكستان رەزيدەنتتەرىنىڭ قاتىسۋىمەن 1400-دەن اسا كاسىپورىن قۇرىلدى. قازاقستاندا ونەر­كاسىپتىك كووپەراتسيا بويىنشا ءىرى جوبالار ىسكە اسىرىلۋ ۇستىندە. اتاپ ايتقاندا، قوستانايدا، شىمكەنتتە جانە تۇركىستاندا «Ravon» اۆتوموبيلدەرىن قۇراستىرۋ، سونداي-اق تۇرمىستىق تەحنيكا مەن توقىما ونىمدەرىنىڭ ءوندىرىسى جولعا قويىلدى.

ەكى دوستاس مەملەكەت اراسىنداعى ىنتىماقتاستىق ساۋدا قاتىناستارىمەن عانا شەكتەلمەيدى. قازاقستان ەلىمىزدىڭ ەكونوميكاسىنا ينۆەستيتسيا قۇيۋعا ەرەك­شە كوڭىل ءبولىپ وتىر. وزبەكستاندا قازاقستان كاپيتالىنىڭ قاتىسۋىمەن 1100-دەن اسا كاسىپورىن جۇمىس ىستەيدى. بەس جىل بۇرىن بۇل كورسەتكىش شامامەن 6 ەسە از بولدى.

ءبىزدىڭ ەلدىڭ اۋىل شارۋاشىلىعىندا ءالى دە كوپتەگەن پايدالانىلماعان ءمۇم­كىندىك بار. سوندىقتان كەيىنگى جىلدارى اگرارلىق سەكتوردى دامىتۋ مەم­لەكەتتىك ساياساتتىڭ ارقاۋىنا اينالدى. وسىلايشا، وزبەكستاننىڭ اۋىل شارۋاشىلىعى ىشكى نارىقتى ساپالى جەمىسپەن جانە كوكونىسپەن تولتىرىپ قانا قويماي، كورشى جانە الىس شەتەلدەردىڭ نارىقتارىن دا يەمدەنىپ جاتىر.

سونىڭ ىشىندە وزبەكستان مەن قازاق­ستاننىڭ اۋىل شارۋاشىلىعى جونىندەگى بىرلەسكەن جۇمىس توبى ەكى ەل اراسىنداعى وسى سالاداعى ىنتىماقتاستىقتىڭ وزەكتى مىندەتتەرىن ىسكە اسىرۋمەن بەلسەندى اينالىسادى.

وزبەكستاننىڭ ورتالىق ازياداعى ەڭ ءىرى ساۋدا-ەكونوميكالىق ارىپتەسى سانالاتىن قازاقستانمەن اۋىل شارۋاشىلىعى سالاسىنداعى ىنتىماقتاستىق ساۋدا، ينۆەستيتسيالار، عىلىم جانە ينستيتۋتتىق ىنتىماقتاستىق سالاسىندا بەلسەندى دامىپ كەلەدى.

2023 جىلعى 7-8 قىركۇيەكتە سامار­قاندتا ازىق-تۇلىك قاۋىپسىزدىگى ماسە­لەلەرى جونىندەگى حالىقارالىق كونفەرەن­تسيا ءوتتى. وعان قازاقستاننىڭ اۋىل شارۋا­شىلىعى مينيسترلىگىنىڭ باسشى­لىعى باستاعان دەلەگاتسيا دا قاتىستى.

كونفەرەنتسيادا اۋىل شارۋا­شى­لى­عىنىڭ، ورمان جانە بالىق شارۋاشى­لىعىنىڭ ونىمدىلىگى مەن ورنىق­تى­ل­ىعىن ارتتىرۋ، سونىڭ ىشىندە اۋىل شارۋاشىلىعىنىڭ جوعارى ءونىم­دى سەكتورلارىن نەگىزدەلگەن ساياسات پەن تاجىريبە ارقىلى قولداۋ جانە تابي­عي رەسۋرستاردى ورنىقتى پايدالانۋ­دى قامتاماسىز ەتۋ ماسەلەلەرى تالقى­لاندى. جەتەكشى تاقىرىپتار ۇساق اۋىل­شارۋاشىلىق تاۋار وندىرۋشىلەرىن قولداۋ ءۇشىن قاۋىپسىز جانە ءتيىمدى ازىق-تۇلىك جۇيەسىن قۇرۋ، اۋىل­دى جەر­لەردە كەدەيشىلىكتى ازاي­تۋ، اگروازىق-تۇلىك جۇيەلەرىنىڭ ينكليۋ­زيۆتىلىگى مەن تيىمدىلىگىن ارتتىرۋ بولدى. وسى شەشىمدەر بويىنشا كەلەشەگى اۋقىمدى كەلىسىمدەرگە قول جەتكىزىلدى.

2023 جىلعى 4 قازاندا تاشكەنتتە «تيىمدىلىگى جوعارى اۋىل شارۋاشىلىعى ماشينالارىن جاساۋ جانە تەحنيكانى پايدالانۋ دەڭگەيىن ارتتىرۋ ءۇشىن يننوۆاتسيالىق شەشىمدەر» تاقىرىبىندا حالىقارالىق عىلىمي-پراكتيكالىق كونفەرەنتسيا ءوتتى. كونفەرەنتسياعا قازاق عالىمدارى مەن عىلىمي مەكەمەلەردىڭ وكىلدەرى ونلاين-رەجىمدە قاتىستى.

اگرارلىق سالادا قول جەتكىزگەن كەلى­سىم­دەر مەن كاسىپكەرلەر اراسىندا ورنا­تىلعان ىنتىماقتاستىقتىڭ ءناتي­جەسىندە 2023 جىلدىڭ قورىتىندىسى بويىنشا وزبەكستان مەن قازاقستان اراسىنداعى اۋىل شارۋاشىلىعى جانە ازىق-تۇلىك ونىمدەرىنىڭ ءوزارا ساۋدا­سىنىڭ كولەمى 1,87 ملرد دوللارعا تەڭ بولدى. سونىڭ ىشىندە اۋىل شارۋاشىلىعى ءونىمىنىڭ ەكسپورتى – 179,7 ملن دوللار، ال يمپورت – 1,69 ملرد دوللار.

بيىل قاڭتار-شىلدە ايلارى ارا­لىعىندا وزبەكستان مەن قازاقستان اراسىنداعى اۋىل شارۋاشىلىعى جانە ازىق-تۇلىك ونىمدەرىنىڭ ءوزارا ساۋدا كولەمى – 909,9 ملن اقش دوللاردى قۇرادى. سونىڭ ىشىندە اۋىل شارۋاشىلىعى ءونىمىنىڭ ەكسپورتى – 161,7 ملن دوللار، ال يمپورت — 748,2 ملن دوللار.

ەكسپورتتالاتىن ونىمدەر – كوكونىس (52,3 ملن دوللار), جەمىس (28,9 ملن دوللار), كەپتىرىلگەن جەمىس پەن كوكونىس (11,4 ملن دوللار), تەمەكى بۇيىمدارى (12,3 ملن دوللار), مال ازىعى داقىلدارى (8,0 ملن دوللار), سۋسىندار (6,8 ملن دوللار), كونديتەرلىك بۇيىمدار (5,8 ملن دوللار) جانە وڭدەلگەن ونىمدەر (2,2 ملن دوللار).

يمپورتتالاتىن اۋىل شارۋاشىلىعى ونىمدەرىنىڭ تىزىمىندە ءداندى داقىلدار (293,5 ملن دوللار), ماي (71,3 ملن دوللار), ەت (38,3 ملن دوللار), جانۋارلارعا ارنالعان جەم (36,4 ملن دوللار), سۋسىندار (34,7 ملن دوللار), كوكونىس (26,1 ملن دوللار) جانە ازىق-تۇلىك ونىمدەرى (26,3 ملن دوللار) بار.

ايتا كەتۋ كەرەك، فيتوسانيتارلىق باقىلاۋ جانە وسىمدىكتەردى قورعاۋ جايى مەملەكەتتەر اراسىنداعى اۋىل شارۋا­شىلىعى ونىمدەرىن ەكسپورتتاۋ جانە يمپورتتاۋ ۇدەرىسىندە ارقاشان باسىم ماسەلەلەر بولىپ قالا بەرەدى. سەبەبى بۇل سالاداعى تۇراقتى دا ساپالى جۇمىس اۋىل شارۋاشىلىعىنىڭ بولاشاعىنا تىكەلەي اسەر ەتەدى. بۇل باعىتتاعى ىنتىماقتاستىق دايەكتى تۇردە جولعا قويىلعانى ماڭىزدى.

بىلتىر 2 ناۋرىزدا گەرمانيانىڭ ورتالىق ازياداعى ساۋدا ەرەجەلەرىن جەڭىلدەتۋ جونىندەگى جوباسىنىڭ (GIZ) تەح­نيكالىق قولداۋىمەن وتكىزىلگەن ورتا­لىق ازيا فيتوسانيتارلىق قىزمەت­تەرى­نىڭ وڭىرلىك كەزدەسۋىندە وزبەكستان مەن قازاقستاننىڭ اقپاراتتىق جۇيەلەرى كورسەتىلدى.

سول جىلى 25-28 ءساۋىر ارالىعىندا وزبەكستان مەن قازاقستاننىڭ شەكارالاس اۋماقتارىندا (3 كم راديۋس­تا) كارانتيندىك وبەكتىلەردىڭ وشاق­تارىن انىقتاۋ ءۇشىن بىرلەسكەن تەكسەرۋلەر جۇرگىزىلدى. قازىرگى ۋاقىتتا ەكى مەملەكەتتىڭ كارانتيندىك قىز­مەتتەرى فيتو­سا­نيتاريا سالاسىنداعى اق­پاراتتىق جۇيەلەردى ينتەگراتسيالاۋ بويىن­شا بەلسەندى جۇمىس جۇرگىزىپ جاتىر.

كورشىلەس ەكى ەل اراسىنداعى ارىپتەستىك اگرارلىق ءبىلىم بەرۋ سالاسىندا دا جۇزەگە اسىرىلىپ وتىر. مىسالى، 2023 جىلعى 17-29 ءساۋىر ارالىعىندا تەرمەزدەگى اگروتەحنولوگيا جانە يننوۆاتسيالىق دامۋ ينستيتۋتىنىڭ 11 پروفەسسورى مەن وقى­­تۋشىلارىنان قۇرالعان دەلەگاتسيا قازاقستاننىڭ ۇلتتىق اگرارلىق زەرتتەۋ ۋنيۆەرسيتەتىندە بىلىكتىلىكتى ارتتىرۋدان ءوتتى.

بىلتىر اۋىل شارۋاشىلىعى مي­نيستر­لىگىنىڭ جانىنداعى تۇقىم شارۋاشىلىعىن دامىتۋ ورتالىعى قازاق­ستانعا 1,2 مىڭ توننا ماقتا تۇقى­مىن، 12 توننا كۇرىش تۇقىمىن جەتكىزدى. بيىل قاڭتاردا وسى ورتالىق قازاقستانعا 1,9 مىڭ توننا ماقتا تۇقىمىن جەتكىزۋ جونىندە كەلىسىمشارت جاساستى. وسى ۋاقىتقا دەيىن 150 توننا ءونىم جەتكىزىلدى.

سونداي-اق ەكى كورشى مەملەكەت ارا­سىنداعى ارىپتەستىك نەگىزىندە بىرقاتار بىرلەسكەن جوبا جۇزەگە اسىرىلىپ جات­قانىن ايتقان ءجون. سىرداريا وبلىسى­نىڭ سىرداريا اۋدانىندا قۇرىلىپ جاتقان وزبەكستان مەن قازاقستاننىڭ حالىقارالىق ونەركاسىپتىك كووپەراتسيا ورتالىعى اۋدانىندا 1 ميلليون توننا استىقتى تەرەڭ وڭدەۋ (26 ملن دوللار) جانە وسىمدىك مايلارىن ءوندىرۋ (5 ملن دوللار) ءجو­نىندەگى جوبالاردى ىسكە اسىرۋ جوس­پارلانىپ وتىر. بۇل جوبا ءۇشىن جاۋاپ­كەرشىلىك قازاقستاندىق «ك-اگرو» كومپانياسىنا جۇكتەلگەن. ول وزبەك ارىپتەسى «ا-سوممەح» جشق-مەن بىرلەسىپ، جوبانى ىسكە اسىرۋدى باستاۋعا دايىن. جو­با­نى ىسكە اسىرۋ وزبەكستان مەن قا­زاق­ستاننىڭ حالىقارالىق ونەركاسىپتىك كووپەراتسيا ورتالىعىن (حوكو) قۇرۋدان باستالماق.

بۇدان بولەك، قۇنى 8 ملن اقش دوللارى بولاتىن بىرلەسكەن جوبانى ىسكە اسىرۋ ءۇشىن قازاقستاننىڭ «مەات Magnat» اكك-ءسى مەن وزبەكستاننىڭ «پرەميۋم Beef Well» جشق بىرلەسكەن كومپانيا قۇردى. جوبانىڭ ءبىرىنشى كەزەڭىندە تۇركىستان وبلىسىنىڭ سايرام اۋدانىندا 3,5 مىڭ باس ءىرى قارا ۇستالاتىن مال شارۋاشىلىعى كەشەنى ىسكە قوسىلدى، سونداي-اق جەمشوپ بازاسىنا قوسىمشا 50 گەكتار جەر ءبولىندى. ەكىنشى كەزەڭدە ءىرى قارا سانىن 20 مىڭ باسقا دەيىن كوبەيتۋ جانە قوسىمشا جەر ۋچاسكەلەرىن (2 مىڭ گەكتار) ءبولۋ جوسپارلانعان.

وسىنداي بىرلەسكەن ارەكەتتەردىڭ بارلىعى عاسىرلار بويعى دوستىق بايلانىستارمەن، ءوزارا داستۇرلەرمەن، قۇندىلىقتارمەن جانە ءتيىمدى ارىپتەستىك قاعيداتتارىمەن ۇيلەسىم تاۋىپ، لايىقتى باعالانىپ وتىر.

بۇعان قوسا قازاقستانمەن جاڭا كەلەشەكتەگى جوبالار ازىرلەنىپ جاتىر. مىسالى، تۇركىستان وبلىسىندا جىبەك شارۋاشىلىعىن دامىتۋ جونىندەگى جوبانى ىسكە اسىرۋ تۋرالى كەلىسىمگە قول جەتكىزىلدى. 2024-2029 جىلدارعا ارنال­عان وسى جوبا اۋىل شارۋاشىلىعى مي­نيسترلىگى جانىنداعى جىبەك شارۋا­شىلىعىن جانە ءجۇن ونەركاسىبىن دامىتۋ كوميتەتىنىڭ جانە «قازاق جىبەك» بىرلەستىگىنىڭ قولداۋىمەن جۇزەگە اسىرىلاتىن بولادى. جوبا ءۇش كەزەڭدە ىسكە اسىرىلماق. ءبىرىنشى كەزەڭدە تۇركىستان وبلىسىنا جالپى قۇنى 32 ملن دوللار بولاتىن تۇت جىبەك قۇرتىنىڭ 80 ملن دانا ءپىللاسى جەتكىزىلەدى (5 ملن ءپىللا 2024 جىلى جەتكىزىلەدى) جانە 10 مىڭ گەكتار جەر بولىنەدى. ەكىنشى كەزەڭدە تۇركىستان وبلىسىنا جىبەك قۇرتى جۇمىرتقاسىنىڭ ءتيىستى ءتۇرى جەتكىزىلەتىن بولادى. ەكسپورت­تالعان تۇت جىبەك قۇرتىنىڭ ءپىللالارى تۇركىستان وبلىسىنىڭ كليماتىنا بەيىمدەلىپ، جاقسى ناتيجە كورسەتكەننەن كەيىن وزبەكستان-قازاقستان تۇقىم ءوسىرۋ كاسىپورنىن قۇرۋ جوسپارلانىپ وتىر.

سونداي-اق قازاقستان اۋماعىندا (قوستاناي، اقمولا جانە پاۆلودار وب­لىس­تارىندا) ءداندى داقىلدار جانە جەم­شوپ ونىمدەرىن ءوندىرۋ جوباسىن ىسكە اسى­رۋ بويىنشا جۇمىستار جۇرگىزىلىپ جاتىر.

تاعى ءبىر كەلەشەگى زور قادامدى اتاپ وتكەن ءجون. قازىر اۋىل شارۋاشىلىعى مينيسترلىگىنىڭ ماماندارى مەن اگرارلىق سالادا جۇمىس ىستەيتىن كاسىپكەرلەر دەلەگاتسياسى قازاقستاندا ءجۇر. بۇل ساپاردىڭ نەگىزگى ماقساتى – 50 مىڭ گەكتار جەر ۋچاسكەسىندە اۋىل شارۋاشىلىعى ءونىمىن ءوندىرۋ مەن ءىرى قارا مال ءوسىرۋ جونىندەگى جوبالاردى ىسكە اسىرۋ ءۇشىن نەگىزگى شارتتاردى كەلىسۋ.

دەلەگاتسيا مۇشەلەرى قازاقستاننىڭ اقمولا، قاراعاندى، قوستاناي جانە سول­تۇستىك قازاقستان وبلىستارىنىڭ اگرار­لىق سالاسىنداعى جاۋاپتى تۇلعا­­لار­مەن جانە كاسىپكەرلەرمەن كەزدە­­سەدى. بۇل كەزدەسۋلەردىڭ ماقسا­تى – وزبەكستانداعى ءداندى داقىلدار­مەن، مال شارۋاشىلىعىمەن، قۇس شارۋاشى­لىعىمەن جانە بالىق شارۋاشىلىعىمەن اينالىساتىن ءىرى اۋىل شارۋاشىلىعى سۋبەكتىلەرىنىڭ استىق قورى مەن جەمشوپ بازاسىن جاقسارتۋ ءۇشىن قازاقستاننىڭ اگرارلىق كاسىپورىندارىمەن ىنتىماق­تاستىق تۋرالى كەلىسىمدەرگە قول قويۋ. كەز­دەسۋلەر اياسىندا ەكى ەلدىڭ زاڭناما­سىنا سايكەس ىنتىماقتاستىق تۋرالى ۇلگىلىك كەلىسىمنىڭ جوباسى قارالدى. كاسىپكەرلەر مەن ۇكىمەت وكىلدەرىنىڭ ۇسىنىستارى نەگىزىندە كەلىسىم جوباسىنا تولىقتىرۋلار مەن وزگەرىستەر ەنگىزىلدى.

كەلىسىمدەرگە سايكەس بۇگىندە بىرلەسكەن ونىمدەر وندىرىلەتىن جەر ۋچاسكەلەرىنىڭ جاي-كۇيىن تەكسەرۋ، سۋمەن جابدىقتاۋ مەن ينفراقۇرىلىمدى قامتاماسىز ەتۋ جۇمىستارى جۇرگىزىلىپ جاتىر. ەكى جاقتىڭ دا مۇددەلەرىنە ساي كەلەتىن وسىنداي جوبالار بويىنشا دوس­تار مەن باۋىرلار رەتىندە جۇمىس ىستەۋ، كورشىلىك پەن باۋىرلاستىق قاعيداتتارى نەگىزىندە بولاشاق ماقساتتاردى بەلگىلەۋ، سونداي-اق جاڭا اگرارلىق جوبالاردى ازىرلەۋ جانە جۇزەگە اسىرۋ ماڭىزدى. مۇنداي ارىپتەستىك ەكى ەلدىڭ دامۋىندا شەشۋشى ءرول اتقاراتىنىنا سەنىمدىمىن.

تۇتاستاي العاندا، اۋىل شارۋاشىلىعى سالاسىنداعى ىنتىماقتاستىقتى دامىتۋ ەكى ەل مەن ەكى باۋىرلاس حالىق ءۇشىن وتە ءتيىمدى ءارى بولاشاعى زور دەپ سانايمىن. مەملەكەتتەر اراسىنداعى كولىك-لوگيستيكالىق ينفراقۇرىلىمدى جانە باسقا دا بايلانىستاردى نىعايتۋ اۋىل شارۋاشىلىعىنداعى ىنتىماقتاستىق دەڭگەيىن ايتارلىقتاي ارتتىرۋعا جاڭا مۇمكىندىك تۋعىزادى.

يبروحيم ابدۋراحمونوۆ،

وزبەكستان رەسپۋبليكاسىنىڭ اۋىل شارۋاشىلىعى ءمينيسترى، اكادەميك

Abai.kz