ق. ساتىبالدىۇلىنىڭ ءىسى بويىنشا سىبايلاس جەمقورلىققا قارسى قىزمەتتىڭ قايتارعان اكتيۆتەرى تۋرالى بۇقارالىق اقپارات قۇرالدارى وكىلدەرىنىڭ كوپتەگەن سۇراۋلارىنا بايلانىستى اگەنتتىك كەلەسىنى حابارلايدى.

سىبايلاس جەمقورلىققا قارسى قىزمەتپەن ق. ساتىبالدىۇلىنا قاتىستى «قازاقتەلەكوم» اق، «كولىك سەرۆيس ورتالىعى» اق قاراجاتىن اسا ءىرى مولشەردە جىمقىرۋ، قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ (جىلىستاتۋ), سونداي-اق ونىڭ باقىلاۋىنداعى كومپانيانىڭ كەدەندىك باجداردى تولەۋدەن جالتارۋ فاكتىلەرى بويىنشا قىلمىستىق ىستەر تەرگەلدى.

تەرگەۋ بارىسىندا ق. ساتىبالدىۇلى ءوز كىناسىن تولىق مويىنداپ، زالالدى تولىق كولەمدە وتەدى، سونداي-اق قىلمىستىق قۇقىق بۇزۋشىلىقتاردى تەرگەۋگە جانە قىلمىستىق جولمەن الىنعان مۇلىكتى اشۋعا ىقپال ەتتى.

2022 جىلدان باستاپ قازىرگى ۋاقىتقا دەيىن ق. ساتىبالدىۇلى جانە ونىمەن بايلانىستى تۇلعالاردان مەملەكەتكە زاڭسىز ساتىپ الىنعان 732,8 ملرد تەڭگە نەمەسە 1,6 ملرد اقش دوللارىنان استام سوماعا مۇلىكتىك اكتيۆتەر مەن اقشالاي قاراجات قايتارىلدى.

ونىڭ ىشىندە 661,5 ملن اقش دوللارى شەتەلدە تابىلدى، ولار قىسقا مەرزىمدە قازاقستانعا قايتارىلدى، ونىڭ ىشىندە ق. ساتىبالدىۇلىمەن بەلسەندى ىنتىماقتاستىق ناتيجەسىندە اۆستريا، ليحتەنشتەين، ءباا، تۇركيا جانە ت. ب. ەلدەردەن قايتارىلدى.

قايتارىلعان اكتيۆتەرگە اكىمشىلىك عيماراتتار، ەكسكليۋزيۆتى زەرگەرلىك بۇيىمدار، ليۋكس ۇيلەر، پاتەرلەر مەن اۆتوموبيلدەر، اكتسيالار مەن كومپانيالاردىڭ ۇلەستەرى، تەمىرجول جولدارى مەن اقشا قاراجاتتارى كىرەدى، سونىڭ ىشىندە شەتەلدىكتەر دە بار.

ەسكەرتۋ: ق. ساتىبالدىۇلى-نا قاتىستى قىلمىستىق ىستەر بويىنشا سوتقا دەيىنگى تەرگەپ-تەكسەرۋ بارىسىندا قايتارىلعان اكتيۆتەردىڭ جالپى سوماسى 732,8 ملرد تەڭگەنى قۇرايدى، ولاردىڭ:

1. «قازاقتەلەكوم» اق اكتسيالارىنىڭ 28,8% - 93,8 ملرد تگ.

2. «كسو» اق – 30,2 ملرد تگ.

3. 4 كومپانياداعى قاتىسۋ ۇلەسى – 10,3 ملرد تگ.

4. قازاقستانداعى مۇلىكتىك اكتيۆتەر – 158,5 ملرد تگ.

5. ەكسكليۋزيۆتى زەرگەرلىك بۇيىمدار – 105,39 ملرد تگ. (230 ملن.$)

6. قازاقستاندىق شوتتارداعى اقشا – 36,8 ملرد تگ.

7. اۆستريادان كەلگەن اقشا – 36,8 ملرد تگ. (82,1 ملن.$)

8. ليحتەنشتەيننەن تۇسكەن اقشا – 116,7 ملرد تگ. (260,5 ملن.$)

9. ءباا-نەن كەلگەن اقشا – 6,3 ملرد تگ. (14 ملن.$);

10. تۇركيادان كەلگەن اقشا – 2,2 ملرد تگ. (4,92 ملن.$);

11. باعالى قاعازداردى ساتۋ – 135,8 ملرد تگ. (300 ملن دوللار).

ماسەلەن، قۇنى 158 ملرد تەڭگەدەن اساتىن 115 قازاقستاندىق وبەكت مەملەكەتتىك مەنشىككە بەرىلدى، ونىڭ ىشىندە 73 جىلجىمايتىن مۇلىك وبەكتىسى (13 ءۇي، 10 عيمارات، 13 جەر ۋچاسكەسى، 4 پاتەر، 3 عيمارات، قوسىمشا سالىنعان 2 مەدرەسە عيماراتى، 2 تۇراق ورنى، 25 ءۇي-جاي، 1 اياقتالماعان قۇرىلىس وبەكتىسى), 37 جىلجىمالى مۇلىك وبەكتىسى (29 اۆتوماشينا، 5 ارنايى تەحنيكا، 3 كۆادروتسيكل) جانە وزگە دە مۇلىك.

مۇلىكتىڭ ءبىر بولىگى ونىڭ جاقىن تۋىستارىنا، اففيليرلەنگەن تۇلعالارىنا جانە باقىلاۋداعى كومپانيالارعا راسىمدەلگەن.

استانا جانە الماتى قالالارىندا مەملەكەتكە بەرىلگەن اكىمشىلىك عيماراتتاردىڭ جالپى اۋدانى 180 مىڭ شارشى مەتردەن اسادى.

بۇرىن بۇل اكتيۆتەر جالعا بەرىلىپ، جىل سايىن مەنشىك يەسىنە ميللياردتاعان تابىس اكەلگەن، ونى قازىر مەملەكەت الۋشى بولىپ تابىلادى.

ليۋكس نىساندارىنىڭ ءبىرى – اقمولا وبلىسىنىڭ باراپ اۋىلىندا جالپى اۋدانى 1,5 مىڭ شارشى مەتر، جەر ۋچاسكەسى 135 گەكتار بۇرىنعى ق. ساتىبالدىۇلى رەزيدەنتسياسى – استانا قالاسىنىڭ ءبىلىم باسقارماسىنا بەرىلدى.

بۇل قاراجاتتار مەملەكەتكە قايتارىلىپ، الەۋمەتتىك ماقساتتاردا پايدالانۋعا باعىتتالدى.

Abai.kz