قازاقستاننىڭ ەلەكتروندى ۇكىمەت پورتالى تاجىكستانعا ەكسپورتتالدى. ەgov ءونىمىنىڭ باعدارلامالارىن ەندى تاجىكستان ازاماتتارى دا پايدالانا الادى.

مۇنداي كەلىسىم پرەزيدەنت قاسىم-جومارت توقاەۆتىڭ تاجىك ەلىنە جاساعان مەملەكەتتىك ساپارىندا ايتىلدى. ەكى ەل بۇدان وزگە دە ماڭىزدى جوبالاردى جۇزەگە اسىرادى.

پرەزيدەنت قاسىم -جومارت توقاەۆ: «قازاقستان مەن تاجىكستان اراسىنداعى قارىم-قاتىناس بارلىق باعىتتا قارقىندى دامىپ كەلەدى. ءبىز سەنىمدى وداقتاس ەلدەرمىز. قازاقستان تاراپى تاجىكستان حالقىنىڭ قازاقستانعا دەگەن تىلەۋلەس نيەتىن جوعارى باعالايدى. بىراق مۇنىمەن توقتاپ قالۋعا بولمايدى»، - دەدى.

«فريدۋم بانك» اق ديرەكتورلار كەڭەسىنىڭ مۇشەسى ايدوس جۇماعۇلوۆ، تاجىكستاندىقتارعا ەلەكتروندى پورتالدى ەنگىزۋگە كومەكتەسەتىندەرىن ايتتى. ول: «ءبىزدىڭ IT ماماندارىمىز وسى ەلگە كەلىپ ەgov پلاتفورمانى ەنگىزىپ، ءتيىمدى جۇمىس ىستەۋىنە كومەكتەسەدى. ودان بولەك فينتەح كومپانيالار قازاقستان مەن تاجىكستان نارىعىنداعى IT حابقا شىعا الادى»، - دەدى.

قازاقستان مەن تاجىكستان 2015 جىلى سەرىكتەس رەسپۋبليكا رەتىندە كەلىسىمگە كەلگەن. ەندى ەكى ەلدىڭ دوستىعى جاڭا ساتىعا كوتەرىلەدى. بۇل بارلىق سالانى دامىتۋعا تەڭ مۇمكىندىك بەرەدى.

«وتكەن ايدا مەملەكەتىمىزدىڭ پرەمەر -مينيسترلەرى كەزدەستى. جيىنعا قاتىسۋشىلار ەكى جاقتى ىقپالداستىق تەتىكتەرىن تالقىلادى. سوڭعى بەس جىلدا ەكى ەل اراسىنداعى تاۋار اينالىمى ەكى ەسەگە ءوستى. وسىلايشا ءبىز 1 ملرد دوللار مەجەسىنەن اسا الدىق»، - دەدى قاسىم-جومارت توقاەۆ.

تاجىكستان پرەزيدەنتى وداقتاستار تۋرالى شارتقا قول قويۋ مەملەكەتارالىق بايلانىستارعا تىڭ سەرپىن بەرەتىنىن ايتتى.

«بۇل حالىقتارىمىزدىڭ تۇپكىلىكتى مۇددەسىنە ساي كەلەدى. ءسىزدىڭ ساپارىڭىز اياسىندا بىرقاتار ءىس- شارالار ۇيىمداستىرىلادى. قازاقستاننىڭ مادەنيەت كۇندەرى، قازاق كينوسىنىڭ كۇندەرى وتەدى. ەكى ەلدىڭ زيالى قاۋىمدارى، عالىمدارى جاستار مەن كاسىپكەرلەرى باس قوسادى. مۇنىڭ بارلىعى قوس مەملەكەت پەن حالىقتىڭ دوستىعىن ءبىر بىرىنە جاقىن ەكەنىن كورسەتەدى»، - دەدى ەمومالي راحمون.

قاسىم-جومارت توقاەۆ قازاقستان مەن تاجىكستاننىڭ كوپجاقتى سەرىكتەستىگىنىڭ بەرىك نەگىزى سانالاتىن جوعارى دەڭگەيدەگى تۇراقتى كەزدەسۋلەرگە باسا ءمان بەرەتىنىن ايتتى.

«ەڭ الدىمەن، ەجەلگى تاجىك جەرىنە تابانىم تيگەن ساتتەن باستاپ كورسەتكەن سىي-قۇرمەتىڭىز بەن قوناقجايلىق كوڭىلىڭىز ءۇشىن شىن جۇرەكتەن ريزاشىلىعىمدى بىلدىرەمىن. قازاقستان مەن تاجىكستان اراسىنداعى قارىم-قاتىناس بارلىق باعىتتا قارقىندى دامىپ كەلەدى. ءبىز – سەنىمدى وداقتاس ەلدەرمىز. قازاقستان تاراپى تاجىكستاننىڭ قازاق حالقىنا دەگەن تىلەۋلەس نيەتىن جوعارى باعالايدى. بىراق مۇنىمەن توقتاپ قالۋعا بولمايدى. ءبىز العا قاراي جىلجۋىمىز كەرەك. بۇل ساپار – ىنتىماقتاستىعىمىزدى دامىتۋعا تىڭ سەرپىن بەرۋدى كوزدەيدى. بۇگىن وداقتاستىق قاتىناستار تۋرالى شارتقا قول قويىلادى. مەنىڭشە، بۇل قۇجاتتىڭ تاريحي ماڭىزى زور. وسى ورايدا بىرقاتار وزەكتى ماسەلە بويىنشا مازمۇندى پىكىر الماسامىز دەپ ويلايمىن»، – دەدى قازاقستان پرەزيدەنتى.

Abai.kz