جۋىردا مەملەكەت باسشىسى قاسىم-جومارت توقاەۆ قاسيەتتى ءوڭىر – تۇركىستان وبلىسىنا بارعان بولاتىن. وسى ساپارىندا پرەزيدەنت ايماقتىڭ ءتۇرلى الەۋمەتتىك-وندىرىستىك نىساندارى مەن رۋحاني ورتالىقتارىنىڭ جۇمىسىمەن تانىستى.

اتقارىلىپ جاتقان شارۋالارعا وڭ باعاسىن بەرىپ، ءوڭىر جۇرتشىلىعىمەن كەزدەسكەنى اقپارات قۇرالدارىندا جاريالاندى.

ايتايىن دەگەنىمىز بۇل ەمەس. وسى ساپار بارىسىندا ناقتىلانباعان (جالعان) اقپارات جاريالانىپ، جەرگىلىكتى كاسىپكەردى اڭ-تاڭ ەتكەنى ەدى.

سونىمەن، تاراتىپ ايتار بولساق، پرەزيدەنت ارالاعان كاسىپورىنداردىڭ ءبىرى - ءبىلىم بەرۋ مەكەمەلەرىنە ارنالعان جيھاز شىعاراتىن اqniet Holding مەكەمەسى بولدى. ءبىر قىزىعى، وسى مەكەمەمەن KAZMEDPRIBOR كومپانياسى بىرلەسىپ، مەديتسينا ۇيىمدارىنا ارنالعان ماتەريالدار شىعارىپتى - مىس.

جاريالانعان اقپاراتتىڭ تولىق ءماتىنى مىناداي: « ... سوڭعى ءۇش جىلدا كومپانيا 50-گە جۋىق مەكتەپتى جابدىقتاعان. مۇندا "جايلى مەكتەپ" ستاندارتىنا ساي جيھازدار، KAZMEDPRIBOR كومپانياسىمەن بىرلەسىپ، مەديتسينا مەكەمەلەرىنە ارنالعان جابدىقتار جاسالادى»، - دەلىنگەن اقپاراتتىق حابارلامادا.

ال، بۇل جالعان دەرەكتەر مەملەكەت باسشىسىنىڭ رەسمي سايتى «اقوردا» سايتىنا جانە جەرگىلىكتى اكىمدىكتىڭ اقپارات قۇرالدارى مەن مەديا رەسۋرستارىنا سول ساتتە تاراپ كەتكەن. ال، KAZMEDPRIBOR كومپانياسىنىڭ باسشىلىعى «اqniet Holding» مەكەمەسىمەن مەديتسينا ۇيىمدارىنا ارنالعان جابدىقتار جاساماعانىن ايتىپ، رەداكتسياعا شىققان.

«... ءبىز ءوزىمىز ونى ۇلكەن سايتتىڭ بەتىنەن وقىعان كەزدە تاڭ قالدىق. بىزبەن بىرلەسىپ جۇمىس ىستەيمىز دەپ سوعىپتى. ءبىزدىڭ كومپانيانىڭ اتىنا، بەدەلىنە نۇقسان كەلتىردى ءسويتىپ. قويا سالاتىنداي نارسە ەمەس قوي ەندى؟ الدا سوتقا بەرىپ، وتەماقى تالاپ ەتۋىمىز دە مۇمكىن. قازىر وسى جاعىن زاڭگەرلەرمەن اقىلداسىپ جاتىرمىز»، - دەلىنگەن مەكەمە باسشىسى اسەل تۇرعانبەكوۆانىڭ اقپاراتتىق حابارلاماسىندا.

وسىلايشا، كومپانيا ديرەكتورى بۇل ءىستى سوڭىنا دەيىن جەتكىزىپ، جالعان اقپارات تاراتقان مەكەمەمەن قۇقىقتىق نەگىزدە ەسەپ ايىرىساتىنىن ايتتى.

ال، زاڭگەر، وتستاۆكاداعى اعا ادىلەت كەڭەسشىسى داستان داۋلەتياروۆ: «... بيزنەس سۋبەكتىلەرىنە كورىنەۋ جالعان اقپارات تاراتقانى ءۇشىن قر قىلمىستىق كودەكسiنىڭ 274-بابى نورمالارى قۇزىرەتتى ورگاندارمەن جانە سوت بيلىگىمەن قولدانىلۋى مۇمكىن»، - دەگەندى ايتادى.

وسى نورماعا ساي ۇيىمداردىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرۋ قاۋپىن توندىرەتىن كورىنەۋ جالعان اقپارات تاراتۋ ءبىر مىڭ ايلىق ەسەپتىك كورسەتكىشتەن باستاپ ءبىر جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانۋى مۇمكىن.

ايتپاقشى، KAZMEDPRIBOR كومپانياسىنىڭ باسشىلىعى جوعارىداعى اقپاراتتى تاراتقان باق - نا ماتەريالدى تەرىستەۋى (وپروۆەرجەنيە) كەرەك دەگەن تالاپ قويىپ وتىر.

Abai.kz