وتباسىمىزبەن رەفەرەندۋمعا قاتىستىق. مەن ءۇشىن بەس جاسار ۇلىما داۋىس بەرۋدىڭ قالاي وتەتىنىن كورسەتۋ ماڭىزدى ەدى.

ونىڭ ءبىزدىڭ ءاربىر قادامىمىزعا دەگەن بالالىق قىزىعۋشىلىعى مەن ىنتاسى ويلاندىردى: بولاشاق – ءبىز بۇگىن نە ءۇشىن داۋىس بەرىپ جاتقانىمىزعا عانا بايلانىستى ەمەس، بالالارىمىزدى وسى پروتسەسكە قالاي باۋليتىنىمىزدا، قانداي قۇندىلىقتار بەرەتىنىمىزدە. داۋىس بەرۋ – جاي عانا ارەكەت ەمەس، بۇل جاۋاپكەرشىلىك پەن قاتىسۋ مادەنيەتى.

ءبىز قاتىسۋ مادەنيەتىن، ساياسي مادەنيەتتى دامىتۋ تۋرالى ءجيى ايتامىز، ال ساياسي مادەنيەت وسىنداي داۋىس بەرۋ راسىمىنە قاتىسۋ ارقىلى قالىپتاسادى.

داۋىسقا شىعارىلعان سۇراقپەن كەلىسۋ-كەلىسپەۋىمىزگە قاراماستان، ءبىزدىڭ قاتىسۋىمىز، داۋىس بەرۋ ۋچاسكەسىنە بارىپ، داۋىس بەرۋىمىز – بۇل تەك ءبىزدىڭ قۇقىعىمىز عانا ەمەس، ول ءبىزدىڭ كۇشىمىز ەكەنىن تۇسىنگەنىمىز ابزال.

اسحات ايماعامبەتوۆ

Abai.kz