الماتىدا اتاقتى سپورتشى ەرماحان يبرايموۆ رەفەرەندۋمدا داۋىس بەر ءۇشىن مەملەكەتتىك قۋىرشاق تەاترىندا ورنالاسقان №361 سايلاۋ ۋچاسكەسىنە كەلدى.  

«رەفەرەندۋمعا قاتىسا وتىرىپ، مەن ءوزىمنىڭ بەلسەندى ازاماتتىق ۇستانىمىمدى كورسەتەمىن. ءاربىر قازاقستاندىقتىڭ مىندەتى-بۇل ماسەلەدە شەت قالماۋ دەپ سانايمىن»، - دەپ اتاپ ءوتتى سپورتشى.

قازاقستاننىڭ حالىق ءارتىسى، تانىمال ەسترادا ءانشىسى روزا رىمباەۆا قازاقستاندا اەس سالۋ ماسەلەسى بويىنشا رەفەرەندۋمعا قاتىستى.

ءانشى №17 مەكتەپ-ينتەرناتتا ورنالاسقان №387 سايلاۋ ۋچاسكەسىنە باردى.

روزا رىمباەۆا ءىس-شارانىڭ ماڭىزدىلىعىن اتاپ ءوتىپ، بۇگىن ەل جانە ءاربىر قازاقستاندىق ءۇشىن تاريحي كۇن ەكەنىن اتاپ ءوتتى.

«ازاماتتارىمىزدىڭ رەفەرەندۋمعا قاتىسۋى-قازاقستاننىڭ بولاشاعىن تۇسىنۋدەگى ماڭىزدى قادام. بۇگىندە ارقايسىمىزدىڭ ءوز ۇستانىمىمىزدى بىلدىرۋگە مۇمكىندىگىمىز بار. قارقىندى وزگەرىستەر جاعدايىندا رەفەرەندۋم قورىتىندىسى بىزگە ەلىمىزدىڭ قوزعالىسىن دامىتۋ ۆەكتورىن كورسەتەدى»، - دەدى ول.

قازاقستاندىق عالىم، سىنشى، ادەبيەتتانۋشى قانسەيىت ابدەزۇلى قازاقستاندا اتوم ەلەكتر ستانتسياسىن (اەس) سالۋ جونىندەگى رەفەرەندۋمدا داۋىس بەردى.

عالىم الماتىنىڭ بوستاندىق اۋدانىندا ورنالاسقان م. ۆ. لومونوسوۆ اتىنداعى №38 قازاقستان-رەسەي گيمنازياسىندا ورنالاسقان №291 ۋچاسكەگە كەلىپ، داۋىس بەردى.

«مەملەكەت باسشىسىنىڭ باستاماسىمەن بۇگىن قازاقستاندا ماڭىزدى شارا – اەس قۇرىلىسى بويىنشا رەفەرەندۋم ءوتىپ جاتىر. كوپتەگەن قازاقستاندىق رەفەرەندۋمعا قاتىسىپ جاتىر، مەن دە ءوز تاڭداۋىمدى جاسادىم. بۇل شەشىمدى جەكە سەنىمىم مەن جيناعان اقپاراتقا سۇيەنىپ قابىلدادىم. ەلىمىزدىڭ دامۋىن ىلگەرىلەتەتىن، جاقسىراق بولاتىن جولدى تاڭداۋ كەرەك دەپ سانايمىن»، – دەدى قانسەيىت ابدەزۇلى.

ەستەرىڭىزگە سالا كەتەيىك، بۇگىن قازاقستان اۋماعىندا اەس قۇرىلىسى ماسەلەسى بويىنشا رەسپۋبليكالىق رەفەرەندۋم ءوتىپ جاتىر. الماتى قالاسىنىڭ اكىمى ەربولات دوساەۆ جۇبايىمەن بىرگە تاڭەرتەڭ №388 ۋچاسكەدە داۋىس بەردى. الماتىلىقتار ءوز ۋچاسكەلەرىنە بارىپ، ساعات 20.00-گە دەيىن داۋىس بەرە الادى.

Abai.kz