جەتىسۋ وبلىسىنىڭ ءبىلىم سالاسىندا اشكەرەلەنگەن سىبايلاس جەمقورلىققا ءبىلىم بولىمىندە جۇمىس ىستەيتىن ءۇش بۋحگالتەردىڭ قاتىسى بارى بەلگىلى بولىپ وتىر.

«2021-2023 جىلدار ارالىعىندا ءبىلىم ءبولىمىنىڭ ءۇش بۋحگالتەرى ءبىلىم بولىمىندە جۇمىس ىستەمەيتىن ادامدارعا زاڭسىز جالاقى مەن ەڭبەك دەمالىسى جاردەماقىسىن اۋدارعان»، — دەلىنگەن حابارلامادا.

كەلتىرىلگەن شىعىن 34 ملن تەڭگەنى قۇراپ وتىر.

وسى فاكتى بويىنشا وبلىس پروكۋراتۋراسى تەرگەۋ جۇرگىزىپ، ناتيجەسىندە قىلمىستىق كودەكستىڭ 190-بابىنىڭ 4-بولىگى 2-تارماعى (الاياقتىق) بويىنشا قىلمىستىق ءىس سوتقا جولداندى.

سوت ۇكىمىمەن بۋحگالتەرلەر قىلمىستىق كودەكستىڭ 63-بابى (شارتتى تۇردە سوتتاۋ) بويىنشا 5 جىل 6 اي مەرزىمگە باس بوستاندىعىنان ايىرۋ تۇرىندەگى جازا تاعايىنداۋمەن كىنالى دەپ تانىلدى، كەلتىرىلگەن زالال مەملەكەت كىرىسىنە تولىق كولەمدە وتەلدى.

Abai.kz