جىل باسىنان بەرى ينۆەستيتسيالىق شتاب جالپى سوماسى شامامەن $45 ملرد بولاتىن 88 ينۆەستيتسيالىق جوبانى قارادى.

مەملەكەت باسشىسىنىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى حالىققا جولداۋىن ىسكە اسىرۋ شەڭبەرىندە «وزىق» ينۆەستيتسيالىق جوبالاردى ىسكە اسىرۋ مونيتورينگىنىڭ الگوريتمى ازىرلەندى، ينۆەستورلارمەن تۇراقتى بايلانىس جولعا قويىلدى.

سونداي-اق «ينۆەستيتسيالارعا تاپسىرىس بەرۋ» تەتىگى ازىرلەندى. اكىمدىكتەر وڭىرلىك ەرەكشەلىكتەر مەن ارتىقشىلىقتاردى ەسكەرە وتىرىپ، جوبالارعا باستاماشىلىق جاسايدى.

«ينۆەستيتسيالىق شتابتىڭ شەشىمدەرىمەن 80 نورماتيۆتىك-قۇقىقتىق اكتىگە قاجەتتى وزگەرىستەر مەن تولىقتىرۋلاردى جەدەل ەنگىزۋ جونىندە تاپسىرمالار بەرىلدى. ينۆەستيتسيالىق جوبالاردى سۇيەمەلدەۋ ۇلتتىق تسيفرلىق ينۆەستيتسيالىق پلاتفورمادا جۇرگىزىلۋدە، وندا 755 جوبا تىركەلگەن»، - دەپ جۇمىس ناتيجەلەرىمەن تانىستىردى رومان سكليار.

Abai.kz