سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى  دانيار بەگايداروۆ ءبىلىم سالاسىنداعى جەمقورلىقتى ايتتى.

2023 جىلدىڭ باسىنان بەرى وسى سالادا بارلىعى 287 قىلمىستىق ءىس تىركەلگەن.

«جىمقىرۋدىڭ ەڭ كوپ سوماسى جەتىسۋ، تۇركىستان، قىزىلوردا، الماتى، اقتوبە وبلىستارىندا جانە الماتى قالاسىندا انىقتالدى. قىلمىس جاساۋدا 386 ادام اشكەرەلەندى، ونىڭ ىشىندە 207 ادام سوتتالىپ، ءتۇرلى جازالاۋ شارالارىنا سوتتالدى»،- دەيدى بەگايداروۆ.

ول قىزىلوردا وبلىسى بويىنشا سىبايلاس جەمقورلىققا قارسى قىزمەت جاڭاقورعان اۋدانىنىڭ ءبىلىم ءبولىمىنىڭ بۇرىنعى باسشىسىنا قاتىستى ءىس جايلى ايتتى. وعان جانە ونىڭ قاراماعىنداعىلارعا - باس بۋحگالتەر مەن باس ەكونوميستكە، سونداي-اق 24 مەكتەپ بۋحگالتەرىنە قاتىستى سوتقا دەيىنگى تەرگەۋدى اياقتادى.

«ولار مەكتەپتەردە ءىس جۇزىندە ەڭبەك قىزمەتىن جۇزەگە اسىرماعان ادامدارعا جالاقى تۇرىمەن اۋدارۋ ارقىلى 213 ملن تەڭگە سوماسىندا بيۋدجەت قاراجاتىن جىمقىرعان دەپ ايىپتالدى.  بۇدان باسقا، ءبىلىم ءبولىمىنىڭ باس بۋحگالتەرى قىلمىستىق جولمەن الىنعان 6,5 ملن تەڭگە سوماسىنداعى اقشالاي قاراجاتتى زاڭداستىردى دەپ ايىپتالدى.قازىرگى ۋاقىتتا قىلمىستىق ءىس سوتقا جىبەرىلدى. جامبىل وبلىسى بويىنشا سىبايلاس جەمقورلىققا قارسى قىزمەت تاراز قالاسى پوليتەحنيكالىق كوللەدجىنىڭ ديرەكتورىنا قاتىستى سوتقا دەيىنگى تەرگەۋدى اياقتادى. ول «باعدارلامالىق قامتاماسىز ەتۋ» ماماندىعى بويىنشا تالاپكەرگە جالپى ءبىلىم بەرۋ گرانتىن بەرۋگە كومەكتەسكەنى ءۇشىن پارا الدى دەپ ايىپتالىپ وتىر»،- دەيلى ول.

قازىرگى ۋاقىتتا قىلمىستىق ءىستىڭ ماتەريالدارى سوتقا جولداندى.

Abai.kz