قايعىلى وقيعا تۇندە بولعان. ءۇي شاتىرى وپىرىلىپ قۇلاعان كەزدە وندا ەرەسەكتەردىڭ قاراۋىنسىز قالعان 2011, 2016, 2018, 2019, 2022, 2023 جىلى تۋعان بالالار بولعان. وكىنىشكە قاراي، ۇيىندىلەردى تازالاۋ كەزىندە بەس بالانىڭ دەنەسى تابىلدى. 2011 جىلى تۋعان بالالاردىڭ ۇلكەنى زارداپ شەككەن جوق.

«بۇگىن ساعات 04:29-دا جىتىقارا قالاسىنداعى جەكە شارۋا قوجالىعىنىڭ اۋماعىندا ءورت شىعىپ، سالدارىنان تۇرعىن ءۇيدىڭ شاتىرى وپىرىلىپ ءتۇستى. قۇتقارۋشىلار وقيعا ورنىنا 7 مينۋت ىشىندە جەتتى، ءۇي تولىعىمەن ورتكە وراندى. جالىن ساعات 06:08-دە اۋىزدىقتالىپ، تولىعىمەن ءسوندىرىلدى. الدىن الا مالىمەت بويىنشا، بالالاردىڭ اناسى كەشكىسىن تانىسىنا كەتكەن. كۇيەۋى تۇرمەدە وتىر»، - دەپ حابارلادى وبلىستىق تجد.

وقيعانىڭ سەبەپتەرى انىقتالىپ جاتىر. ءورت-تەحنيكالىق زەرتتەۋ تاعايىندالدى. اپاتتار مەديتسيناسى ورتالىعى فيليالىنىڭ پسيحولوگتارى تۋىستارىنا قاجەتتى پسيحولوگيالىق كومەك كورسەتۋدە.

جەرگىلىكتى اتقارۋشى ورگاندار بارلىق قاجەتتى كومەك كورسەتەدى.

وبلىستىق پروكۋراتۋرا بۇل ءىستى ەرەكشە باقىلاۋعا الدى. ولار سوتقا دەيىنگى تەرگەۋ باستالعانىن، ءورتتىڭ الدىن الا سەبەبى – ۇيدەگى پەشتىڭ قاراۋسىز قالعانىن مالىمدەدى.

Abai.kz