تۇركيانىڭ ءبىلىم مينيسترلىگى وقۋ باعدارلاماسىنا وزگەرىس ەنگىزىپ جاتىر. سوعان سايكەس، «ورتالىق ازيا» تەرمينى «تۇركىستان» دەپ وزگەرتىلەدى. تۇركيانىڭ ۇلتتىق ءبىلىم مينيسترلىگى تاريح بويىنشا وقۋ باعدارلاماسىنا تۇبەگەيلى وزگەرىس ەنگىزىلگەنىن حابارلادى. سوعان سايكەس، «ورتالىق ازيا» تەرمينى «تۇركىستان» دەپ وزگەرەدى. ساراپشىلار بۇل شەشىم بولاشاق ۇرپاق اراسىندا ۇلتتىق سانا مەن ءپاتريوتيزمدى نىعايتۋعا باعىتتالعانىن ايتادى. ءبىلىم مينيسترلىگىنىڭ شەشىمىن تۇسىندىرگەن تۇركيالىق ساراپشى رامين سادىك تۇركيا ءسوزى دە، تۇركىستان ءسوزى دە تۇركىلەر تۇراتىن ايماقتى بىلدىرەتىنىنە نازار اۋدارعان.

ساراپشى تۇركى الەمى ءۇشىن ورتاق تاريح، گەوگرافيا، ادەبيەت، كارتا مەن ءالىپبي قۇرۋ جونىندەگى بەلسەندى قادامدار كەزەڭىندە ۇلتتىق ءبىلىم مينيسترلىگىنىڭ «تۇركىستان» تەرمينىن وقۋلىقتارعا، ونىڭ ىشىندە بالالارعا ەنگىزۋ تۋرالى شەشىمدى ەلەۋلى وزگەرىس دەپ اتادى.

ال  سەناتور دارحان قىدىرالى الەۋمەتتىك جەلىگە «تۇركيادا مەكتەپ وقۋلىقتارىنداعى ورتا ازيا تەرمينىن تۇركىستان دەپ وزگەرتەدى ەكەن. دۇرىس باستاما دەپ ويلايمىن. ورتا ازيا، ورتالىق ازيا - ءحىح عاسىردا شىققان اتاۋ. تۇتاس ايماقتىڭ تاريحي اتاۋى - تۇركىستان. ماعجان مەن مۇستافا دا تۇركىستان دەپ ورتالىق ازيانى اتاعان»،-دەگەن پىكىر قالدىردى. ءبىز دە ورتالىق ازيانى نەگە سولاي اتاماسقا؟ ال، ءسىز نە دەيسىز؟

Abai.kz