سقو: اليمەنت تولەۋدەن جالتارعاندار جازالاندى
سقو پروكۋراتۋراسى اليمەنت تولەمدەرىن جانە مەملەكەت كىرىسىنە وندىرىلۋگە جاتاتىن سومالاردى تولەمەۋ فاكتىلەرىنىڭ جولىن كەستى.
شال اقىن اۋدانىنىڭ پروكۋراتۋراسى اعىمداعى جىلدىڭ وتكەن كەزەڭىندە قاداعالاۋ اكتىسىمەن اليمەنت تولەمدەرى بويىنشا 8,4 ملن تەڭگە جانە مەملەكەت كىرىسىنە 2,3 ملن تەڭگە بەرەشەكتى ءوندىردى. قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 669-بابىنا سايكەس 3 قاساقانا بورىشكەر 5 تاۋلىككە دەيىن اكىمشىلىك قاماققا الىندى. سونىمەن قاتار، 2 پروبلەمالىق بورىشكەر قازاقستان رەسپۋبليكاسى قىلمىستىق كودەكسىنىڭ (بۇدان ءارى - قك) 139,430-باپتارى بويىنشا قىلمىستىق جاۋاپكەرشىلىككە تارتىلدى.
اتاپ ايتقاندا، كامەلەتكە تولماعان بالانى اسىراۋ بويىنشا اليمەنتتىك مىندەتتەمەلەرىن 7 ايدان استام ورىنداماۋ سالدارىنان 2,6 ملن تەڭگە قارىزى بار بورىشكەر «س»-عا شال اقىن اۋداندىق سوتىنىڭ 06.05.2024 ج. ۇكىمىمەن قك-ءنىڭ 139-بابى بويىنشا 1 جىلعا باس بوستاندىعىن شەكتەۋ جازاسى تاعايىندالدى.
باسقا جاعدايدا، زاڭدى كۇشىنە ەنگەن سوت شەشىمىن 6 ايدان استام ورىنداماعانى ءۇشىن بورىشكەر «A» قك-ءنىڭ 430-بابى بويىنشا 1 جىل 6 اي باس بوستاندىعىن شەكتەۋ تۇرىندەگى قىلمىستىق جاۋاپكەرشىلىككە تارتىلدى. سونىمەن قاتار، اۋدان پروكۋراتۋراسى بورىشكەرلەردى جۇمىسقا ورنالاستىرۋعا كومەك كورسەتەدى، اتاپ ايتقاندا ءار ايدىڭ 10-كۇنى جاستار باستامالارى ورتالىعىندا «بوس جۇمىس ورىندارىنىڭ جارمەڭكەسى» وتكىزىلىپ، بورىشكەرلەرگە بوس جۇمىس ورىندارى ۇسىنىلادى. اۋدان پروكۋراتۋراسى بورىشكەرلەردى قارىز پايدا بولۋىنا جول بەرمەي، بالالارىنىڭ اليمەنتتەرىن، مەملەكەت الدىنداعى بەرەشەكتەرىن دەر كەزىندە تولەۋگە شاقىرادى.
Abai.kz
