بيىل اۋىل شارۋاشىلىعى داقىلدارىنىڭ جالپى جيناۋ الاڭى 23,3 ملن گەكتاردى قۇرادى، ونىڭ ىشىندە 16,7 ملن گەكتارى – ءداندى جانە بۇرشاقتى داقىلدار. 26,5 ملن توننا استىق باستىرىلدى.

ورتاشا ونىمدىلىك گەكتارىنا 16 تسەنتنەردى قۇرادى، بۇل وتكەن جىلعى كورسەتكىشتەردەن جوعارى. نەگىزگى استىق ەگەتىن وڭىرلەردىڭ ىشىندە سولتۇستىك قازاقستان وبلىسىندا جوعارى ناتيجەلەر بايقالادى. وڭتۇستىك وڭىرلەردە ونىمدىلىك بويىنشا جوعارى كورسەتكىشتەر قىزىلوردا، تۇركىستان جانە جەتىسۋ وبلىستارىندا بايقالادى.

اۋىل شارۋاشىلىعى ءمينيسترى ايداربەك ساپاروۆ ۇكىمەت وتىرىسىندا كۇزدىڭ قولايلى اۋا رايى ەگىن جيناۋ ناۋقانىن ايتارلىقتاي شىعىنسىز جۇرگىزۋگە مۇمكىندىك بەرگەنىن اتاپ ءوتتى.

Abai.kz