بۇگىن سەناتتىڭ جالپى وتىرىسىنان كەيىن ەسىرتكى جاسىرۋمەن اينالىسىپ جۇرگەن جاستارعا قاتىستى شىعارىلىپ جاتقان ۇكىمدەر بويىنشا سۇراق قويدى. «قازىر 18 جاستاعى جاستار 10 جىلدان استام مەرزىمگە سوتتالىپ جاتىر. بۇل جازا تىم قاتال ەمەس پە؟»، - دەپ سۇرادى تىلشىلەر.

ءوز كەزەگىندە ن.ءشارىپوۆ كوبىنە وسى قىلمىس ءۇشىن جاستار ءىستى بولىپ جاتقانىن راستادى.

«بۇل قىلمىس بويىنشا جاۋاپكەرشىلىك كۇشەيتىلگەن. وسى ەسىرتكى جاسىرۋشىلار باسقا ادامداردى ۋلاپ، ەمدەلمەيتىن ەسىرتكى تۇرلەرىنە تاۋەلدى ەتكەنىن، قازاقستاننىڭ بولاشاعىنا نۇقسان كەلتىرىپ جاتقانىن نازاردان تىس قالدىرۋعا بولمايدى. بۇل تۇرعىدا جاستار ەسىرتكى تاراتۋ مەن جاسىرۋ قىلمىسىنا بارماۋى ءۇشىن پروفيلاكتيكالىق جۇمىستى كۇشەيتۋ كەرەك ويلايمىن. اتاپ ايتقاندا، وسى قىلمىستاردىڭ بارلىعى قاساقانا جاسالعان ارەكەت دەپ سانالادى. ادامدار ەسىرتكى جاسىرۋ قىلمىسىنا جازا كۇشەيتىلگەنىن بىلە تۇرا، بارىپ جاتىر... وسى جاعداي ادامنىڭ وزىنە بايلانىستى، ياعني بىلىمىنە، قۇقىقتىق ساناسىنا، زاڭدى مويىنداۋىنا قاتىستى. جاستار ءۇشىن اقشا تابۋدىڭ جولدارى بارشىلىق، ەڭبەك بيرجاسىنا جۇگىنۋگە بولادى»، - دەدى جوعارعى سوت سۋدياسى.

Abai.kz