«پرەزيدەنت جاپپاي دەكلاراتسيالاۋ تاسىلدەرىن قايتا قاراۋدى تاپسىردى. قازىر دەكلاراتسيانى 4 ميلليوننان استام ادام تاپسىرادى. ولاردىڭ ىشىندە مەملەكەتتىك قىزمەتشىلەر، كۆازيمەملەكەتتىك سەكتور مەن بيزنەس وكىلدەرى بار. 2025 جىلى ازاماتتاردىڭ قالعان بارلىق ساناتتارى دا دەكلاراتسيا تاپسىرادى دەپ جوسپارلانعان بولاتىن. بۇعان حالىق الاڭداۋشىلىق ءبىلدىردى، سوندىقتان اتالعان ماسەلەگە مەملەكەت باسشىسى ءوزىنىڭ نازارىن اۋداردى. بۇگىنگى تاڭدا مەملەكەتتىك ورگانداردىڭ دەرەكتەر بازاسى بارىنشا تسيفرلاندىرىلعان. قارجىلىق جانە ۆاليۋتالىق باقىلاۋ كۇشەيتىلدى»، - دەدى ۇكىمەت باسشىسى.

پرەمەر-ءمينيستردىڭ اتاپ وتۋىنشە، حالىقارالىق كەلىسىمدەر اياسىندا شوتتار بويىنشا دەرەكتەر الماسۋ جولعا قويىلدى. تسيفرلىق قىزمەتتەر كورسەتۋ كەڭ تارالعان.

«سوندىقتان جالپى العاندا، جەكە تۇلعالاردىڭ اكتيۆتەرى بويىنشا بارلىق اقپارات بار. قارجى جانە تسيفرلاندىرۋ مينيسترلىكتەرى تىركەۋ جانە سالىقتىق باقىلاۋ ءۇشىن بارلىق تسيفرلىق بازالاردان، ونىڭ ىشىندە ەكىنشى دەڭگەيدەگى بانكتەردەن مالىمەتتەر الۋدى قامتاماسىز ەتكەنى ءجون. سوندىقتان مەن 2025 جىلى ازاماتتاردىڭ قالعان ساناتتارىن اكتيۆتەر تۋرالى دەكلاراتسيالاردى مىندەتتى تۇردە تاپسىرۋدان بوساتۋ تۋرالى قارجى ءمينيسترىنىڭ ۇسىنىسىن قولدايمىن. وسىعان بايلانىستى قارجى مينيسترلىگى ۇلتتىق ەكونوميكا، ادىلەت مينيسترلىكتەرىمەن بىرگە ءۇش كۇن مەرزىمدە قاجەتتى زاڭنامالىق تۇزەتۋلەردى ازىرلەپ، پارلامەنتتە ءتيىستى جۇمىس جۇرگىزۋى كەرەك»، - دەدى ولجاس بەكتەنوۆ.

Abai.kz