ەلوردادا ستراتەگيالىق تالداۋ بويىنشا وقىتۋ سەمينارى وتۋدە.  

ءىس-شارا "ەگمونت" توبىنىڭ (ECOFEL) قارجىلىق بارلاۋ بولىمشەلەرىنىڭ (قبب) وزىق تاجىريبە جانە كوشباسشىلىق ورتالىعىنىڭ قولداۋىمەن ۇيىمداستىرىلدى.

ءۇش كۇندىك سەمينار بارىسىندا ECOFEL شاقىرىلعان ساراپشىلار ستراتەگيالىق تالداۋ جۇرگىزۋ تاجىريبەسىمەن بولىسەدى، ونىڭ ماقساتى كىرىستەردى جىلىستاتۋ جانە تەرروريزمدى قارجىلاندىرۋعا قارسى كۇرەس سالاسىنداعى جاڭا ترەندتەردى، زاڭدىلىقتار مەن ۇردىستەردى انىقتاۋ بولىپ تابىلادى.

وقىتۋ پروتسەسى تەك تەوريالىق ءبىلىم الۋدى عانا ەمەس، سونىمەن بىرگە العان داعدىلارىن بەكىتۋگە مۇمكىندىك بەرەتىن پراكتيكالىق ماسەلەلەردى شەشۋدى دە قاراستىرادى.

استاناعا كەلگەن شەتەلدىك ماماندار كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىل سالاسىنداعى حالىقارالىق ۇيىمدار ۇسىنعان ەرەجەلەر مەن نورمالاردىڭ بەلگىلەنگەن جۇيەسىن ساقتاۋدىڭ ماڭىزدىلىعىن اتاپ وتەدى، بۇل ءوز كەزەگىندە حالىقتىڭ قاۋىپسىزدىگىن قامتاماسىز ەتەدى.

ءىس-شارا قازاقستان مەن وزبەكستان قبب وكىلدەرى ءۇشىن ەات ءوزارا باعالاۋ قورىتىندىلارى بويىنشا ەكى ەلگە تەحنيكالىق كومەك كورسەتۋ جونىندەگى جوبالىق جوسپارلار شەڭبەرىندە وتكىزىلۋدە.

قارجىلىق مونيتورينگى اگەنتتىگى اقشانى جىلىستاتۋعا قارسى ۇلتتىق جۇيەنىڭ الەۋەتىن، ونىڭ ىشىندە سالا ماماندارىنىڭ بىلىكتىلىگىن ۇدايى ارتتىرۋدى بەلسەندى جالعاستىراتىن بولادى.

انىقتاما: "ەگمونت" توبى-170 ەل مەن مەملەكەتتىك قۇرىلىمدار كىرەتىن الەم ەلدەرىنىڭ قارجىلىق بارلاۋ بولىمشەلەرىنىڭ (قبب) بەيرەسمي بىرلەستىگى.

ۇيىمنىڭ ماقساتى: اقشانى جىلىستاتۋعا جانە تەرروريزمدى قارجىلاندىرۋعا قارسى كۇرەس ماقساتىندا، سونداي-اق اج/تقق بويىنشا ىشكى باعدارلامالاردى ىسكە اسىرۋعا جاردەمدەسۋ ماقساتىندا بۇكىل الەمدە قبب-نىڭ ءتيىمدى ءوزارا ءىس-قيمىلى ءۇشىن الاڭدى قامتاماسىز ەتۋ.

قر قما ءباسپاسوز قىزمەتى

Abai.kz