2024 جىلدىڭ 22 قاراشا كۇنى ساعات 19.00-دە جامبىل اتىنداعى قازاق مەملەكەتتىك اكادەميالىق فيلارمونياسىنىڭ ۇلكەن زالىندا ن.تىلەنديەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترىنىڭ قازاق جانە كسرو حالىق ءارتىسى، مەملەكەتتىك سىيلىقتىڭ لاۋرەاتى، سوتسياليستىك ەڭبەك ەرى، قازاقتىڭ بۇلبۇلى، قازىرگى قازاق ءان ونەرىنىڭ اناسى بيبىگۇل تولەگەنوۆانىڭ شىعارماشىلىعىنا ارنالعان كونتسەرتى وتەدى.

ن. تىلەنديەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترى.

كوركەمدىك جەتەكشىسى جانە باس ديريجەرى: قازاقستاننىڭ ەڭبەك سىڭىرگەن قايراتكەرى - ءدىنزۋحرا تىلەنديەۆا.

ديريجەر: قازاقستاننىڭ ەڭبەك سىڭىرگەن ءارتىسى - جالعاسبەك بەگەندىكوۆ،

حالىقارالىق بايقاۋلاردىڭ لاۋرەاتى - ابىلقايىرحان بەيسەكوۆ.

سوليستەر:

قازاقستاننىڭ ەڭبەك سىڭىرگەن قايراتكەرى - گۇلزات داۋىرباەۆا،

«ەرەن ەڭبەگى ءۇشىن» مەدالىنىڭ يەگەرى - ايگەرىم شارىپبەك،

رەسپۋبليكالىق جانە حالىقارالىق بايقاۋلاردىڭ لاۋرەاتتارى: فارحات كۋبيەۆ،

نۇرعالىم امانباەۆ،

جۇلدىز بايجۇما،

اياجان قۋانىشاليەۆا،

ايدوس جاباعين.

باعدارلامادا:

ن.تىلەنديەۆ - «اتا تولعاۋى»

ء⁠ا.قازاقباەۆ - «جامبىل» وپەراسىنان دۋەت

س.مۇحاممەدجانوۆ - «تەربەلەدى تىڭ دالا»

گ.دونيتسەتتي  - «ليندا دي شامۋني» وپەراسىنان ليندانىڭ كاۆاتيناسى

حالىق ءانى ⁠- گاۋھارتاس

⁠ل.حاميدي - «بۇل – بۇل»

ن.تىلەنديەۆ - «كەل ەركەم الاتاۋىڭا»

ن.تىلەنديەۆ - «جان ساۋلەم»

⁠ا.زاتسەپين - «ۆالس و ۆەسنە»

ە.برۋسيلوۆسكي - «قىز جىبەك» وپەراسىنان «گاككۋ»

ل.دەليب - «⁠يسپانسكوە بولەرو»

⁠ن.تىلەنديەۆ –-«جان جارىم»

ن.تىلەنديەۆ - «قارلىعاشتار»

چ.ا.بيكسيو -  «Mamma»⁠

ل.ارديتي - «پوتسەلۋي»

د.تىلەندىكەلىنى - «بيبىگۇلگە»

ن.تىلەنديەۆ - «كوڭىلدى بيكەش»

⁠ف.لەگار - «دجۋديتتا» وپەراسىنان دجۋديتتانىڭ ارياسى

دج. روسسيني - «سەۆيلسكي تسيريۋلنيك» ⁠ وپەراسىنان فيگارونىڭ كاۆاتيناسى

⁠حالىق ءانى - «اق قۋراي»

⁠ن.تىلەنديەۆ - «اققۋ»

1982 جىعى 2 قازاندا ن.تىلەنديەۆ اتىنداعى اكادەميالىق فولكلورلى – ەتنوگرافيالىق وركەسترى قازاقتىڭ ۇلتتىق مۋزىكا اسپاپتارىنىڭ – قازىرگى جانە بايىرعى باي جيناعىمەن تانىسۋ مۇمكىندىگىن بەرەدى. باعا جەتپەس مادەني مۇرا بولىپ ەسەپتەلىنەتىن قازاقتىڭ مۋزىكالىق اسپاپتارى بىزدەرگە عاسىرلار قويناۋىنان جەتىپ وتىر. بەلگىلى مۋزىكاتانۋشى، ونەر عىلىمىنىڭ دوكتورى، پروفەسسور بولات سارىباەۆتىڭ عاجايىپ زەررتەۋلەرىندە قازاق حالقىنىڭ مۋزىكالىق مادەنيەتى تاريحىنىڭ جاندى بەتتەرى جاتىر. دومبىرا مەن قوبىزدان باسقا، «وتىرار سازى» وركەسترىندە بايىرعى قازاق اسپاپتارى – جەتىگەن، شەرتەر، شاڭقوبىز، مەسقوبىز، سىرناي مەن سازسىرناي، سىبىزعى، سونداي-اق ۇرمالى اسپاپتار – اساتاياق، داۋىلپاز، تۇياقتاس، قوڭىراۋ، قايراق ءۇن قاتادى. وسىنداي دىبىستاردىڭ الۋان تۇرلىلىگى وركەسترگە ۇلتتىق فولكلوردىڭ باي ءتولتۋما ۇلگىلەرىن كەڭىنەن كورسەتۋگە مۇمكىندىك بەرەدى. وركەستردىڭ العاشقى باس ديريجەرى، كسرو حالىق ءارتىسى مەملەكەتتىك سىيلىقتىڭ لاۋرەاتى، حالىق قاھارمانى، بەلگىلى قوعام قايراتكەرى، كومپوزيتور نۇرعيسا تىلەنديەۆ ۇجىم الدىنا وسىنداي بيىك ماقسات قويىپ، ول باسقارعان وركەستر مينياتيۋرالار مەن اندەردى عانا ەمەس، ءىرى درامالىق ويلاردى دا جەتكىزە الاتىن مۇمكىندىگى كەڭ ۇجىم قاتارىنا كوتەردى. بۇگىندە ۇرپاقتار ساباقتاستىعىن پاش ەتىپ، وركەسترگە ن.تىلەنديەۆتىڭ قىزى – دينارا تىلەنديەۆا جەتەكشىلىك ەتەدى. وركەستر قازاقستاننىڭ قالالارىندا عانا ەمەس، سونىمەن قاتار الىس-جاقىن شەت ەلدەردە – يراكتا، ماروككودا، ۆەتنامدا، سولتۇستىك كورەيادا، گەرمانيادا، يسپانيادا، تۇركيادا، ساۋد اراۆياسى جانە باسقا دا كوپتەگەن ەلدەردە كونتسەرتتەر بەردى. 1996 جىلى «وتىرار سازى» وركەسترى جامبىل اتىنداعى حالىقارالىق قور سىيلىعىنىڭ لاۋرەاتى بولدى. ۇجىم قازاقتىڭ مۋزىكالىق فولكلورىنىڭ ۇزدىك ۇلگىلەرىن ساقتاپ قانا قويماي، قازىرگى زامانعى دىبىس ۇيلەسىمىندەگى ۇنمەن جانە وركەستردىڭ باي تەمبرلىك – بوياۋلىق مۇمكىندىكتەرىمەن ورىندالعان جاڭا وڭدەۋلەرمەن جەتىلدىرىپ وتىرادى.

Abai.kz