«جوشى حان» تۋرالى سەريالدى «Netflix» تۇسىرمەكشى. بۇل تۋرالى مەملەكەتتىك كەڭەسشى ەرلان قاريننىڭ «Karga Seven Pictures» پروديۋسەرلىك كومپانياسىنىڭ وكىلدەرىمەن كەزدەسۋىندە ايتىلعان ەدى.

ستسەناريدى تانىمال ستسەناريست دجاستين پوللارد پەن كلەر مورسۋم، سونداي-اق قازاقستاندىق جانە حالىقارالىق تاريحشىلار مەن ساراپشىلار بىرىگىپ ازىرلەگەن. جوباعا قاتىستى ماڭىزدى دايىندىق جۇمىستارى جۇرگىزىلىپ، ءتۇسىرىلىم وتەتىن جەرلەر دە تاڭدالىپ قويعان.

كاستينگ اياقتالعاننان كەيىن، ءتۇسىرىلىم جۇمىستارى باستالادى دەپ جوسپارلانىپ وتىر.

«2024 جىلدىڭ كوكتەمىندە ءبىز جوشى حان تۋرالى شاعىن سەريالدىڭ شىعاتىنىن جاريالادىق. قازىر ءبىزدىڭ ارىپتەستەرىمىز دجاستين پوللارد («ۆيكينگتەر») جانە كلەر مورسۋم («Outlow King») سياقتى تانىمال جازۋشىلاردىڭ قاتىسۋىمەن جاسالعان ستسەناريدى ازىرلەۋدى اياقتادى. ستسەناريمەن قازاقستاندىق جانە حالىقارالىق تاريحشىلار مەن ساراپشىلار دا جۇمىس ىستەدى. جوشى ۇلىسىنىڭ تاريحىن، التىن وردانى، مادەني قۇندىلىقتاردى جانە كوشپەلى ءومىر سالتىن زەرتتەۋ جوبادا جۇمىس ىستەۋگە نەگىز بولدى»، - دەپ حابارلادى «Karga Seven Pictures».

ايتا كەتەيىك، «Nەtflix» الەمدەگى جەتەكشى ستريمينگ پلاتفورما. ول كەڭ اۋديتوريا ءۇشىن فيلمدەردىڭ، سەريالداردىڭ جانە وزگە دە ۆيدەو ماتەريالداردىڭ ۇلكەن كولەمىن ۇسىنىپ وتىرادى. «Nەtflix» اۋديتورياسى — بۇكىل الەم بويىنشا جارتى ميللياردتان اسادى. «Nەtflix» اقىلى جازىلۋشىلارىنىڭ سانى-شامامەن 270 ملن.

Abai.kz