ءبىر كۇن ىشىندە تەڭگە 2,4%-عا السىرەدى. ۇلتتىق بانك قازىر قور بيرجاسىندا دوللار 518-519 تەڭگە ارالىعىندا ساتىلىپ جاتقانىن اتاپ ءوتتى.

28 قاراشاداعى جاعداي بويىنشا تەڭگەنىڭ ورتاشا سارالانعان باعامى ءبىر دوللارعا 512,58 تەڭگەنى قۇرادى.

«سىرتقى جانە ىشكى فاكتورلار ايىرباس باعامىنا تەرىس اسەر ەتەدى»، - دەدى ماكرورەگۋلياتور.

وعان سەبەپ گەوساياسي جاعدايدىڭ شيەلەنىسۋى جانە شيكىزات باعاسىنىڭ اۋىتقۋى. رەسەي ءرۋبلىنىڭ السىرەۋى.  قازاقستاندا شەتەل ۆاليۋتاسىنا سۇرانىس ارتتى.

قۇبىلمالىلىقتى رەتتەۋ جانە نارىقتى ۆاليۋتامەن قانىقتىرۋ ءۇشىن ۇلتتىق بانك ۆاليۋتالىق ينتەرۆەنتسيالار جۇرگىزە باستادى. سونىمەن قاتار ۇلتتىق بانك ەشقانداي ۆاليۋتا باعامىنىڭ ۇردىسىنە كەدەرگى جاسامايتىنىن ەسكە سالدى.

Abai.kz