استانادا ىشكى ىستەر مينيسترلىگى ينتەرپول ۇلتتىق ورتالىق بيۋروسى مەن قر باس پروكۋراتۋراسىنىڭ اكتيۆتەردى قايتارۋ جونىندەگى كوميتەتى اراسىندا ىنتىماقتاستىق تۋرالى مەموراندۋمعا قول قويىلدى.

بۇل قادام ەكونوميكالىق قىلمىستارمەن جانە اكتيۆتەردى زاڭسىز شىعارۋمەن كۇرەستە ىنتىماقتاستىقتى نىعايتۋعا باعىتتالعان.

مەموراندۋم اياسىندا تاراپتار بىرلەسكەن باستامالاردى ىسكە اسىرۋ، اكتيۆتەردى قايتارۋ جانە زاڭسىز قارجى وپەراتسيالارىنىڭ جولىن كەسۋ سالاسىنداعى اقپارات پەن تاجىريبە الماسۋ ءۇشىن كۇش بىرىكتىرۋگە كەلىستى.

"مەموراندۋم اشىقتىق پەن ادىلدىكتى قامتاماسىز ەتۋگە، سونداي-اق زاڭسىز جولمەن شىعارىلعان اكتيۆتەردى قايتارۋ بويىنشا جاھاندىق كۇش-جىگەردى نىعايتۋعا دەگەن شەشىمىمىزدى كورسەتەدى", – دەپ اتاپ ءوتتى ءىىم ينتەرپول ۇوب-نىڭ باستىعى مەرەي ماقۇلجان.

مۇنداي سەرىكتەستىك حالىقارالىق تەرگەۋلەرگە قولداۋ كورسەتۋ جانە مەملەكەتتەر مەن ولاردىڭ ازاماتتارىنا تيەسىلى قاراجاتتى قايتارۋ ارقىلى ەكونوميكالىق قىلمىستارعا نەعۇرلىم جەدەل جانە ءتيىمدى قارسى تۇرۋعا مۇمكىندىك بەرەدى.

ءوزارا كومەك تۋرالى مەموراندۋم ەلدىڭ ەكونوميكالىق قاۋىپسىزدىگىن قامتاماسىز ەتۋگە بايلانىستى ورتاق مىندەتتەردى شەشۋ ءۇشىن ۇزاق مەرزىمدى ىنتىماقتاستىق پەن تۇراقتى پلاتفورما قۇرۋعا نەگىز قالايدى.