تالانتتى تالاپكەرلەرگە «بولاشاق» باعدارلاماسىمەن شەتەلدە وقۋعا مۇمكىندىك بەرىلەدى. بۇل تۋرالى پارلامەنت ءماجىلىسىنىڭ دەپۋتاتى اسحات ايماعامبەتوۆ ايتتى.

«بولاشاق» باعدارلاماسىنىڭ اياسىن كەڭەيتۋدى ۇسىنىپ وتىرمىز. ەندى تەك ماگيستراتۋرا مەن دوكتورانتۋرا عانا ەمەس، باكالاۆريات ءبىلىم دارەجەسىن الۋعا گرانت بولىنبەك. وعان ەڭ مىقتى حالىقارالىق وليمپيادالار مەن مەن عىلىمي جوبالاردىڭ جەڭىمپازدارىن تاڭداپ الامىز»، - دەدى ول.

دەپۋتات وسىلايشا «اقىلدىڭ شەتەلگە اعۋىن» توقتاتامىز دەيدى. قازاقستاننىڭ قاراجاتىنا ءبىلىم العان ستۋدەنت وقۋىن اياقتاعان سوڭ ەلگە كەلىپ قىزمەت ەتۋگە مىندەتتەلەدى.

«قازىرگى ۋاقىتتا الەمنىڭ توپ-ۋنيۆەرسيتەتتەرى وليمپيادالاردا توپ جارعان جاستاردى اڭدىپ، باقىلاپ وتىرادى. كەيىن وزدەرى گرانت بەرىپ، شاقىرىپ الادى. جاستار شەتەلدىڭ گرانتىن الىپ، سول جاقتا قالىپ قويادى. ءبىز «بولاشاق» باعدارلاماسى ارقىلى باكالاۆريات وقىتساق، ولار قايتىپ كەلىپ، ەلدىڭ ەكونوميكاسىن كوتەرۋگە جۇمىس ىستەيدى»، - دەيدى ول.

Abai.kz