«اق جول» فراكتسياسى قوماقتى ايىپپۇلدارى ءۇشىن اقبتك-نە وزگەرىستەر ەنگىزۋ تۋرالى زاڭ جوباسىن قولدامادى. 

«اق جول» فراكتسياسى بۇل زاڭ جوباسىنا قارسى داۋىس بەرەدى جانە دە ءبىز نە ءۇشىن وسىنداي شەشىمگە كەلگەنىمىزدى ءتۇسىندىرىپ ايتۋدى ءجون كوردىك.

وسى زاڭ جوباسىنا «اق جول» دەمپارتياسىنىڭ دەپۋتاتتارى كاسىپكەرلەگە سالاتىن ارتىقشا اۋىر ايىپپۇلداردى 3-5 ەسە ازايتۋ تۋرالى بىرنەشە تۇزەتۋ ۇسىنعان بولاتىنبىز.

وكىنىشكە قاراي، نە جۇمىس توبى، نە ءماجىلىستىڭ بيۋروسى، ياعني بارلىق باسقا فراكتسيالار وسى ايىپپۇلداردى كازىرگى، دەمەك اۋىر كولەمىندە قالدىرۋدى قالادى.

اتالعان زاڭ جوباسىن تالقىلاۋ بارىسىندا «اق جول» دەمپارتياسىنىڭ دەپۋتاتتارى كاسىپكەرلەرگە سالىناتىن قوماقتى ايىپپۇلدى 3-5 ەسەگە ازايتۋعا قاتىستى بىرقاتار تۇزەتۋلەر جولدادى.

وكىنىشكە قاراي، جۇمىس توبىندا بيلىك پارتياسى مەن ءماجىلىس بيۋروسىنداعى بارلىق باسقا فراكتسيالار مەملەكەتتىك ورگانداردىڭ پىكىرىن العا تارتىپ، قازىرگى قوماقتى ايىپپۇلداردى ساقتاپ قالۋدى جاقتادى.

ۋاجدەرى قاراپايىم - ايىپپۇلدار بۇزۋشىلىقتاردىڭ الدىن الۋ جانە تۇتىنۋشىلاردىڭ مۇددەلەرىن قورعاۋ ءۇشىن قاجەت.

الايدا، اتالمىش زاڭ جوباسىن تالقىلاۋ بارىسىندا «اق جول» فراكتسياسىنا 2 مىڭنان استام كاسىپكەردەن اتالعان ايىپپۇلداردى ازايتۋدى سۇراعان وتىنىشتەر تۇسكەن.

جانە ولاردىڭ ايتۋىنشا، ايىپپۇلداردىڭ قوماقتىلىعى بۇزۋشىلىقتاردى الدىن الۋ ءۇشىن ەمەس، باقىلاۋ ورگاندارىنىڭ بوپسالاۋى ءۇشىن قىزمەت ەتەدى. ويتكەنى باعاداعى قاتەلىك ءۇشىن 700 مىڭ تەڭگە تولەۋدەن گورى، تەكسەرۋشىگە 100 مىڭ بەرە سالعان وڭاي.

سوندىقتان، بۇل نورمالار بۇگىندە الدىن الۋ ءۇشىن ەمەس، بيزنەستى بوپسالاۋ ءۇشىن قولدانىلا باستادى.

كەشە عانا EGOV-PRESS تەلەگرام ارناسىندا ءار ۋچاسكەدە ءدال وسى اقبتك-ءنىڭ باپتارى بويىنشا كەمىندە 200 قۇقىق پروتوكول راسىمدەۋ تۋرالى پوليتسيانىڭ داۋىستىق بۇيرىعى جاريالاندى. بۇل اقىلعا قونىمسىز ايىپپۇلداردىڭ قالاي قولدانىلاتىندىعى تۋرالى ناقتى مىسال.

ال بۇگىنگى زاڭعا تۇزەتۋلەردىڭ 80 پايىزى رەپرەسسيالىق سيپاتقا يە – ايىپپۇلدار، ايىپپۇلدار، ايىپپۇلدار.

ءبىزدىڭ شەنەۋنىكتەر مەملەكەت تەك جازالاپ عانا قويماي، رەتتەۋ ساياساتىنىڭ ايىپپۇل سالۋدان بولەك، ىنتالاندىراتىنىن ءتۇسىندىرۋى كەرەكتىگىن ۇمىتقان سياقتى.

ال تۇتىنۋشىلاردىڭ قۇقىقتارىن قورعاۋعا جۇگىنگەندە ولار شاعىن جانە ورتا بيزنەستىڭ قالاي جۇمىس ىستەيتىنىن بىلمەيتىن قۇددى ءبىر اسپاننان سالبىراپ تۇسكەندەر سياقتى سويلەيدى.

ءۇيدىڭ جانىنداعى دۇكەننىڭ كۇندەلىكتى پايداسى 30-50 مىڭ تەڭگە بولسا، وعان 100 مىڭ ايىپپۇل سالىنسا، ول اقشانى قايدان الادى؟

تەك تاۋار باعاسىن كوتەرىپ، بۇل ايىپپۇلدى ساتىپ الۋشىلارعا جۇكتەۋ ارقىلى عانا وتەيدى.

اسىرەسە، بۇل ايىپپۇلدار تۇراقتى بولعاندا، كاسىپكەرلەر ءدال وسى تۋرالى حابارلاۋدا.

سوندىقتان ورىنسىز قوماقتى ايىپپۇلدار شىن مانىندە تۇتىنۋشىلاردى قورعامايدى، كەرىسىنشە ۇلتتىق بانكتىڭ سوقىر ساياساتى مەن دوللاردىڭ قۇبىلمالى باعامىنا قوسا ينفلياتسياعا ىقپال ەتەدى.

جازالاۋ مەن اۋىرلىقتىڭ ءوزارا تەڭگەرىمى كەرەك، بۇل قۇقىقتىڭ باستى پرينتسيپتەرىنىڭ ءبىرى. قۇقىق بۇزۋشىلىقتاردىڭ الدىن الۋ جانە تۇتىنۋشىلاردىڭ قۇقىقتارىن قورعاۋ 200 تەڭگە تۇراتىن كارتوپتىڭ باعا بەلگىسىندەگى قاتەلىك ءۇشىن 200 مىڭ ايىپپۇل سالىنعان كەزدە ەمەس، ايىپپۇلدار بۇزۋشىلىقتاردىڭ اۋىرلىعىنا سايكەس بولعاندا عانا جۇمىس ىستەيدى.

نەمەسە ساپاسىز ونىمگە ايىپپۇل سالىنىپ قانا قويماي، ساتىلىمنان الىنعان جاعدايدا.

بىراق قايتارىپ الۋ جانە الىپ قويۋ پروتسەدۋرالارى سىزدەردە جۇمىس ىستەمەيدى، تەكسەرۋشى مىرزالار. ول تۋرالى ءبىز 2018 جىلدان بەرى ايتىپ كەلەمىز. سىزدەر ايىپپۇلدى جەلەۋ ەتىپ بوپسالاۋمەن اينالىسىپ جۇرسىزدەر، ال ساپاسىز تاۋارلار سورەلەردە تۇرعان كۇيى قالادى.

«جاڭا ادامدار» جاستارىنىڭ مەرزىمى وتكەن تاۋارلارعا قاتىستى تالاپتارى دا وسىدان شىعادى.

شەنەۋنىك مىرزالار، سىزدەر ءۇشىن مەن ۇيالىپ وتىرمىن.

ءبىر رەت بولسا دا جىلى كەڭسەلەردەن شىعىپ، كاسىپكەردىڭ نەمەسە تۇتىنۋشىنىڭ ورنىنا بارىپ تۇرىپ كورىڭىزدەر.

سىزدەر الدەبىر «شترافستاندى» قۇرىپ جاتىرسىزدار.

ال «اق جول» فراكتسياسى قالىپتى نارىقتىق ەكونوميكانى قۇرۋدى ۇسىنادى.

جانە ءبىز دۇرىس شەشىمدەرگە قول جەتكىزبەيىنشە، بۇل ماسەلەنى قاۋزاي بەرۋدەن تايىنبايمىز.

سوندىقتان، بۇگىن فراكتسيامىز بۇل زاڭ جوباسىنا قارسى داۋىس بەرەدى.

ازات پەرۋاشەۆ، ءماجىلىس دەپۋتاتى

Abai.kz