2024 جىلعى 1 جەلتوقسانداعى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 277 كاسىپورنى 18,7 مىڭ جۇمىسكەرگە 4,4 ملرد تەڭگەگە جالاقى بويىنشا بەرەشەك ەكەنىن انىقتادى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمدەۋىنشە، سونىمەن بىرگە ءتۇرلى ۇيىمداردا جۇرگىزىلگەن تەكسەرۋلەر بارىسىندا 7,5 مىڭنان اسا ەڭبەك قۇقىعىنىڭ بۇزىلۋى انىقتالدى.

جالاقى بويىنشا بەرەشەگى بار كاسىپورىنداردىڭ باسشىلارىنا ورىنداۋعا مىندەتتى 249 ۇيعارىم بەرىلدى جانە 50,3 ملن تەڭگەدەن استام سوماعا ايىپپۇل سالىندى.

قابىلدانعان شارالاردىڭ، ونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋدىڭ ناتيجەسىندە 17,5 مىڭنان استام جۇمىسكەردىڭ قۇقىقتارى قورعالدى. ولارعا 3,4 ملرد تەڭگە تولەندى.

بۇدان باسقا، ەڭبەك زاڭناماسىنىڭ ساقتالۋىنا مەملەكەتتىك باقىلاۋدى قامتاماسىز ەتۋ ماسەلەلەرى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەرەكشە باقىلاۋىندا.

2024 جىلعى 1 جەلتوقسانداعى دەرەكتەر بويىنشا مەملەكەتتىك ەڭبەك ينسپەكتورلارى 5 039 تەكسەرۋ جۇرگىزدى، ونىڭ بارىسىندا 7 583 بۇزۋشىلىق انىقتالدى، ونىڭ ىشىندە: ەڭبەك سالاسىندا – 5 723; ەڭبەك قاۋىپسىزدىگى جانە ەڭبەكتى قورعاۋ بويىنشا – 1 793; حالىقتى جۇمىسپەن قامتۋ بويىنشا – 67.

جۇمىس بەرۋشىلەرگە 2 998 ۇيعارىم بەرىلىپ، 371 ملن تەڭگە سوماسىنا 3 359 اكىمشىلىك ايىپپۇل سالىندى.

قابىلدانعان شارالاردىڭ ناتيجەسىندە 33 مىڭنان اسا جۇمىسكەردىڭ ەڭبەك قۇقىعى قورعالدى.

Abai.kz