عىلىم جانە جوعارى ءبىلىم مينيسترلىگى جەكەمەنشىك جوعارى وقۋ ورىندارىنداعى ءبىلىم ساپاسىنا قاتىستى كەمشىلىكتەر انىقتالعانىن ءمالىم ەتتى.

- مينيسترلىك ساپاسىز ءبىلىم بەرەتىن جوعارى وقۋ ورىندارىن قىسقارتۋ بويىنشا جۇمىستى جالعاستىرىپ جاتىر. جالپى، باقىلاۋ شارالارىنان پروفيلاكتيكالىق شارالارعا نازار اۋدارىلىپ وتىر. بۇل ءوز كەزەگىندە مەملەكەت باسشىسىنىڭ 2020 جىلعى قىركۇيەكتەگى قازاقستان حالقىنا جولداۋىندا بەرگەن تاپسىرماسىن ورىنداۋ اياسىندا «تازا پاراقتان» جاڭا رەتتەۋشىلىك ساياساتىنىڭ تاسىلدەرىنە سايكەس كەلەدى. تەكسەرۋدەن پروفيلاكتيكالىق شارالارعا ءوتۋ، تاۋەكەلدەردى باسقارۋ جانە باعالاۋ جۇيەسىن اۆتوماتتاندىرۋ، تەكسەرۋلەر ءۇشىن جوعارى وقۋ ورىندارىنىڭ ءتىزىمى مەن كەستەسىن ادامنىڭ قاتىسۋىنسىز قالىپتاستىرۋ - مينيسترلىككە 2024 جىلدان باستاپ تەك پروبلەمالىق جوعارى وقۋ ورىندارىنا نازار اۋدارۋعا مۇمكىندىك بەرەدى، - دەلىنگەن عىلىم مينيسترلىگىنىڭ Kazinform اگەنتتىگىنە بەرگەن جاۋابىندا.

بۇل تۇرعىدا مەملەكەت باسشىسىنىڭ تاپسىرماسى بويىنشا ىسكە اسىرىلعان «تازا پاراقتان رەتتەۋ» ساياساتى اياسىندا «Smart Data Ukimet» اقپاراتتىق جۇيەسىندە اۆتوماتتى رەجيمدە قالىپتاستىرىلعان مەملەكەتتىك باقىلاۋ تىزىمىندە 13 جوعارى وقۋ ورنىنا قاتىستى مەملەكەتتىك باقىلاۋ وتكىزىلدى. سونىڭ ناتيجەسىندە ءبىلىم بەرۋ قىزمەتىندە تالاپتاردى بۇزۋ دەرەكتەرى انىقتالدى.

- ءبىلىم بەرۋ سالاسىنداعى زاڭنامانى بۇزعانى ءۇشىن جوو-لارعا قاتىستى كادرلاردى دايارلاۋدىڭ 16 باعىتى بويىنشا ليتسەنزياعا قوسىمشالاردان ايىرا وتىرىپ، اكىمشىلىك ايىپپۇل تۇرىندە اكىمشىلىك جازالاۋ شارالارى قابىلداندى، - دەپ ناقتىلادى ۆەدومستۆو.

Abai.kz