قايىرىمدىلققا جينالعان قارجىنى جۇمسادى دەپ ايىپتالعان ۆولونتەر پەريزات قايراتتىڭ مۇلكىنە شەكتەۋ قويىلدى. بۇل تۋرالى قما ءباسپاسوز قىزمەتى مالىمدەدى.

وزدەرىڭىزگە ءمالىم، ول كوكتەمگى سۋ تاسقىنىنان زارداپ شەككەن ازاماتتارعا كومەك كورسەتۋ ءۇشىن، سونداي-اق پالەستينا تۇرعىندارىنا گۋمانيتارلىق كومەك كورسەتۋ ماقساتىندا جينالعان 1,7 ملرد تەڭگەدەن استام قاراجاتتى جىمقىردى دەگەن كۇدىككە ءىلىندى.

بۇگىن قايىرىلىمدىلىق قورىنىڭ باسشىنىڭ مۇلكىنە قما شەكتەۋ قويدى. تاركىلەنگەن مۇلىك اراسىندا باعالى برەند سومكەلەر مەن قىمبات كولىكتەر بار.

سوتتىڭ سانكتسياسىمەن قىلمىستىق جولمەن الىنعان قاراجاتقا ساتىپ الىنعان استانا قالاسىنداعى "Akbulak Riviera", "Highvill Ishim Gold", "كوك جايلاۋ", "Sensata Plaza" تك، سونداي-اق "Vela Village" كوتتەدج قالاشىعىنداعى ەليتالىق جىلجىمايتىن مۇلىك تاركىلەندى.

سونىمەن بىرگە Mercedes-Benz S450, Mercedes-Benz EQE 500, Lexus LX-600, Haval اۆتوموبيلدەرىنە شەكتەۋ قويىلدى.

پەريزات قايراتتىڭ تۇرعىلىقتى جەرىن ءتىنتۋ بارىسىندا قايىرىمدىلىققا جينالعان قاراجاتقا ساتىپ الىنعان قىمبات تەحنيكا، Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada جانە ت. ب. سياقتى تانىمال الەمدىك برەندتەردىڭ كيىم، اياق كيىم، زەرگەرلىك بۇيىمدار، سومكەلەرى تابىلىپ، تاركىلەندى.

اشەكەي بۇيىمدارىنىڭ ءوزىنىڭ جالپى سوماسى 70 ملن تەڭگەگە باعالانعان. مىسالى، ونىڭ قاتارىندا 10 ملن تەڭگە تۇراتىن Graff برەندىنىڭ سىرعا-القالارى بار.

وعان قوسا تاركىلەنگەن زاتتارىنىڭ اراسىندا برەند سومكەلەرى جەتەرلىك. ولاردىڭ جالپى قۇنى 110 ملن تەڭگە.

ءبىر سومكەسىنىڭ قۇنىنىڭ ءوزى 25 ملن تەڭگەگە دەيىن بارادى. ال ەڭ ارزانى 1 ملن تەڭگەدەن اسادى.

قما جاريالاعان مالىمەتتەردەن پەريزات قايراتتىڭ سومكەلەرىنە “P.K” دەپ جازىلعانىن بايقاۋعا بولادى. بۇل كۇدىكتىنىڭ اتى-ءجونىنىڭ باس ارىپتەرى.

اگەنتتىك ۆولونتەردىڭ شەتەلگە ساياحاتقا ءجيى شىعىپ، قىمبات وتەلدەردە مالىمدەدى. ول بۇل ساياحاتتىڭ بارىنە بيزنەس-كلاسسپەن ۇشقان.

قما ازاماتتارعا ەگەر پەريزات قايراتتىڭ قاراجاتىنىڭ ورنالاسقان جەرى، جىلجىمايتىن جانە باسقا دا مۇلىكتەرى، ونىڭ ىشىندە ءۇشىنشى تۇلعالارعا تىركەلگەن مۇلىكتەرى تۋرالى اقپارات بولسا، حابارلاسۋدى سۇرادى.

Abai.kz