ۇلىبريتانيا ەلشىسى بوزجىرا شاتقالىن گولليۆۋد فيلمدەرىنىڭ دەكوراتسياسىنا تەڭەدى.

بۇل تۋرالى ۇلىبريتانيانىڭ قازاقستانداعى ەلشىسى كەتي ليچ «Born Bold. Travel Boldcast» پودكاستى بارىسىندا مالىمدەدى.

«مەن ءوز ءتىزىمىمنىڭ باسىندا تۇرعان جەرلەرگە بارىپ ۇلگەردىم. ماڭعىستاۋ وبلىسىنداعى بوزجىرا شاتقالىنا باردىق. بۇل مەن ءۇشىن الەمدىك دەڭگەيدەگى پەيزاج بولدى جانە «جۇلدىزدى سوعىستار» نەمەسە «ديۋنا» فيلمدەرىنە ۇقساس دەكوراتسياعا ۇقسادى. شىنىندا دا وتە ەرەكشە جەر. 5 ميلليون جىل بۇرىن تەڭىزدەن قالعان جارتاستار تاڭعاجايىپ. مەن ماڭعىستاۋ ءوڭىرىنىڭ تەك شاعىن بولىگىن عانا كوردىم. وندا جارتاستارعا قاشالعان تاڭعالارلىق مەشىتتەر بار ەكەنىن بىلەمىن، بىراق ولاردى ءالى كورمەدىم»، - دەپ ءوز اسەرىمەن ءبولىستى ەلشى.

ديپلومات ەرەكشە اسەرگە بولەيتىن تابيعي لاندشافتتار اراسىندا التىن-ەمەل جانە قاتونقاراعاي ۇلتتىق پاركتەرىن دە اتاپ ءوتتى.

«التىن-ەمەلدە ەرەكشە جانە تاڭعاجايىپ تاۋلى ماسسيۆتەر بار. تاياۋدا تاۋ ۆەلوسپورتشىسىنىڭ وسى تىك جارتاستارمەن تومەنگە تۇسكەن كەرەمەت ۆيدەونى كوردىم. ول جارتاستاردىڭ كەرەمەت سۇلۋلىعى مەن ەرەكشە قۇرىلىمىن كورسەتتى. ءوزىم بارعان ءۇشىنشى ورىن - شىعىس قازاقستان مەن قاتونقاراعاي. بۇل ادامنىڭ قولى تيمەگەن لاندشافت، ەڭ اسەم تاۋلار جانە تاڭعاجايىپ تەگىس توبەلەر. بۇل ءۇش ورىن - ءوزىم كورگىم كەلگەن جەرلەردىڭ ءبىرى»، - دەپ ءبولىستى ول.

تولىق شىعارىلىم: https://youtu.be/KOXOIVvYEe4?si=2JNBdJw067UYCHdw

«Born Bold. Travel Boldcast» — قازاقستانداعى تۋريزم تۋرالى اعىلشىن تىلىندەگى تۇڭعىش پودكاست.

Abai.kz