جوشى حاننىڭ ءۇشىنشى ۇلى، باتۋدىڭ ءىنىسى، التىن وردا حانى. كوك وردا مەن اق وردا بيلىگىن ءتيىمدى بەكىتكەن حان رەتىندە تاريحتا اتى قالعان بەرەك حاندى جاقسى بىلەمىز.

ونىڭ تاريحتا قالعان ەسىمى دە كوزقاراقتى ادامعا جاقسى تانىس. بىراق ونىڭ ەسىمى تاريحي تۇلعالار مەن ۇلى حانداردى زەرتتەۋ بارىسىندا ۇنەمى تاسادا قالا بەرەتىنى شىندىق. زەرتتەۋشى فلامۋر ۆەحاپي اعىلشىن تىلىندەگى العاشقى ەڭبەگىندە يسلامدى قابىلداپ، مۇسىلمان الەمىمەن ءجيى قاقتىعىساتىن يمپەريانىڭ ورتاسىندا مۇسىلمان حاندىعىن قۇرعان موڭعول باسشىسى بەركە حان تۋرالى عىلىمي زەرتتەۋىن وقىرمانعا ۇسىندى. بۇل قىسقاشا ومىرباياندىق شىعارما تۇركى، موڭعول جانە باتىس دەرەكتەرىنەن الىنعان اۋقىمدى زەرتتەۋلەرگە نەگىزدەلگەن ەڭبەك.

كىتاپتا التىن وردا كوسەمىنىڭ جان-جاقتى كورىنىسىن بەرەتىن ەگجەي-تەگجەيلى ۋاقىت كەستەلەرى، كارتالار جانە تەرميندەر مەن گلوسساريى قوسا بەرىلگەن. بۇنى التىن وردا حانى بەركەنىڭ مۇحيتتىڭ ار جاعىنداعى وقىرمانعا تانىستىراتىن بىردەن ءبىر ماڭىزدى كىتاپ دەۋگە بولادى.

كىتاپ جارىق كورگەن سوڭ، كوپتىڭ القاۋىنا بولەنگەنى انىق. «بۇل شىنايى زەرتتەلگەن جانە دەرەكتەرمەن نەگىزدەلگەن ومىرباياندىق كىتاپ. جاقسى جازىلعان جانە توسىن سىيلارعا تولى!» دەگەن پىكىرىن ايتادى پروفەسسور، «الو كوميتەتىنىڭ» اۆتورى ناسەر برەسا.  «التىن وردانىڭ «بەركە حانى» — موڭعولداردىڭ تۇڭعىش مۇسىلمان كوسەمى بەركە حاننىڭ التىن وردا مەن ونىڭ ايماقتاعى مۇراگەرلەرىنە كۇنى بۇگىنگە دەيىن تيگىزگەن اسەرى تۋرالى وقۋعا جەڭىل، قىسقاشا اڭگىمە» دەيدى «اتەيزمگە قارسى سەنىم» كىتابىنىڭ اۆتورى، زەرتتەۋشى برەندون مەيفيلد.

دۇيسەنالى الىماقىن

Abai.kz