تۇركىستان وبلىسىنىڭ اكىمى بولىپ نۇرالحان ورالبايۇلى كوشەروۆ تاعايىندالدى.

اقوردا جارلىعىندا: «مەملەكەت باسشىسىنىڭ جارلىعىمەن نۇرالحان ورالبايۇلى كوشەروۆ تۇركىستان وبلىسىنىڭ اكىمى لاۋازىمىنا تاعايىندالدى»، - دەپ جازىلعان.

كوشەروۆ 2023 جىلدىڭ قاڭتارىنان باستاپ تۇركىستان وبلىسى اكىمىنىڭ ورىنباسارى بولعان. 2021 جىلدىڭ قىركۇيەگىنەن اتىراۋ وبلىسى بويىنشا مەملەكەتتىك كىرىستەر دەپارتامەنتىن، ودان بۇرىن، 2018 جىلدىڭ قازان ايىنان باستاپ شىمكەنت قالاسى بويىنشا مەملەكەتتىك كىرىستەر دەپارتامەنتىن باسقاردى.

كوشەروۆكە دەيىن تۇركىستان وبلىسىنىڭ اكىمى قىزمەتىن 2022 جىلدىڭ تامىز ايىنان باستاپ دارحان ساتىبالدى اتقارعان بولاتىن.

Abai.kz