ۇكىمەت الماتى وبلىسى كەگەن اۋدانىنىڭ جالاعاش اۋىلىندا سپورت كەشەنىن سالۋعا 1,1 ملرد تەڭگە ءبولدى. جوبا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ شەڭبەرىندە ىسكە اسىرىلۋدا. پرەزيدەنتتىڭ تاپسىرماسى بويىنشا ارناۋلى مەملەكەتتىك قورداعى قاراجات وڭىرلەردەگى الەۋمەتتىك ماڭىزى بار نىسانداردىڭ قۇرىلىسىنا باعىتتالادى.

سپورت كەشەنى جالپى دەنە شىنىقتىرۋ دايىندىعى بويىنشا وقۋ-جاتتىعۋ ساباقتارىنا جانە جارىستار وتكىزۋگە ارنالعان. جوبادا بوكس، كۇرەس جانە باسقا دا سپورت تۇرىمەن اينالىسۋعا ارنالعان بىرنەشە زال قاراستىرىلعان.

2024 جىلى قازاقستاندا بارلىعى 90 دەنە شىنىقتىرۋ-ساۋىقتىرۋ كەشەنى سالىندى، ولاردىڭ باسىم بولىگى اۋىلدىق جەرلەردە. بۇدان باسقا، ۇكىمەت 2025 جىلدىڭ سوڭىنا دەيىن سپورتتىق ينفراقۇرىلىمعا اۋقىمدى تۇگەندەۋ باعدارلاماسىن ىسكە اسىرۋدا: 113 جاڭا نىسان سالۋ جانە جۇمىس ىستەپ تۇرعان 26 سپورت مەكەمەسىن رەكونسترۋكتسيالاۋ جوسپارلانۋدا.

بۇگىنگى تاڭدا ۇكىمەت ارناۋلى مەملەكەتتىك قوردان الەۋمەتتىك ماڭىزى بار نىسانداردى سالۋعا شامامەن 50,6 ملرد تەڭگە ءبولدى. ولاردىڭ قاتارىندا 4 مەكتەپ، ونىڭ ىشىندە بىرەۋى مۋزىكالىق مەكتەپ، سپورت كەشەنى، كوپسالالى اۋرۋحانا كەشەنى، جاتاقحانا، 2 بالاباقشا بار. «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ سۋبەكتىلەرىنىڭ قاراجاتى ەسەبىنەن ارقالىق، استانا، الماتى قالالارىندا بىرقاتار الەۋمەتتىك ينفراقۇرىلىم نىساندارىنىڭ قۇرىلىسى جۇرگىزىلۋدە.

Abai.kz