مەملەكەت باسشىسى قاسىم-جومارت توقاەۆ جۇمىس ساپارىمەن بىرىككەن اراب امىرلىكتەرىنە باردى. بۇل تۋرالى اقوردانىڭ ءباسپاسوز قىزمەتى حابارلادى.

وندا پرەزيدەنت توقاەۆ «ابۋ ءدابيدىڭ ورنىقتى دامۋ اپتاسى» سامميتىنە قاتىسادى. ءباا-گە كەشە بارعان قاسىم-جومارت توقاەۆ بىرقاتار كەزدەسۋلەر وتكىزگەن. بۇگىن سول كەزدەسۋلەرگە شولۋ ۇسىنامىز...

پرەزيدەنت اۋەلى ءباا پرەزيدەنتى شەيح مۇحاممەد بەن زايد ءال ناحايانمەن كەزدەستى. كەزدەسۋ «Qasr Al Shatie» سارايىندا ءوتتى.

پرەزيدەنت قاسىم-جومارت توقاەۆ:

– ءباا – ءبىزدىڭ اراب الەمىندەگى باستى سەرىكتەسىمىز. ەلدەرىمىزدىڭ يگىلىگى ءۇشىن ەكىجاقتى جانە كوپجاقتى بايلانىستاردىڭ بارلىق باعىتى بويىنشا تىعىز ىنتىماقتاستىق قۇرۋعا نيەتتىمىز. مەن دوستىق، ءوزارا سەنىم مەن قۇرمەتكە نەگىزدەلگەن ستراتەگيالىق سەرىكتەستىگىمىزدى نىعايتۋعا ءسىزدىڭ قوسقان ۇلەسىڭىزدى جوعارى باعالايمىن. اسا مارتەبەلى پرەزيدەنت مىرزا، ءسىزدى ءوز ەلىمدە قۇشاق جايا قارسى الۋعا دايىنمىن. قازاقستانعا جاسايتىن ساپارىڭىز ەكىجاقتى ىنتىماقتاستىقتى نىعايتۋدىڭ جاڭا كەزەڭىنە باستاۋ بولاتىنىنا سەنىمدىمىن، – دەدى.

رەپليكا: ءباا قازاقستان  ەكونوميكاسىنا قارجى قۇيعان 10 ءىرى ينۆەستوردىڭ قاتارىنا كىرەدى. قازاقستان مەن ءباا كومپانيالارى ەكەۋارا كولىك-لوگيستيكا، ەنەرگەتيكا، قارجى، تۋريزم جانە باسقا دا سالالاردا بەلسەندى ىنتىماقتاستىق جۇرگىزۋدە. ەكى ەل باسشىلارى اقىرعى رەت 2023 جىلى ابۋ دابيدە جانە دۋبايدا كەزدەسۋلەر وتكىزگەن. سول كەزدەسۋلەر بارىسىندا ەكىاراداعى تاۋار اينالىمىن 1 ميلليارد دوللارعا جەتكىزۋ تۋرالى ماقسات قويىلعان. ال بىلتىر ءباا-دەن كەلگەن تىكەلەي ينۆەستيتسيا كولەمى ەكى ەسەگە ۇلعايعان.

جوسپار: قازقاستان مەن ءباا ۇكىمەتتەرى ءوزارا ساۋدا-ساتتىققا جاڭا كۇش بەرۋ ماقساتىندا ناقتى ەكونوميكالىق كۇن ءتارتىبىن جاساماق. ناقتىلاي ايتقاندا: ستراتەگيالىق ينۆەستيتسيالىق جوبالاردى قۇرۋ تۋرالى بىرلەسكەن دەكلاراتسيانى جۇزەگە اسىرۋ ماسەلەسىنە ءمان بەرىلمەك.

Abai.kz