استانا جانە اقمولا وبلىسىنىڭ قوسشى قالاسىنان 4 ەكسترەميستىك توپ مۇشەلەرى ۇستالدى. بۇل تۋرالى قر ۇلتتىق قاۋىپسىزدىك كوميتەتىنىڭ باسپاسوز قىزمەتى مالىمەدى.

– اعىمداعى جىلعى 22 قاڭتاردا ۇلتتىق قاۋىپسىزدىك كوميتەتى استانادا جانە اقمولا وبلىسىنىڭ قوسشى قالاسىندا پروكۋراتۋرا ورگاندارىنىڭ ۇيلەستىرۋىمەن 4 قازاقستان ازاماتىن ۇستادى. ولار تەرروريزمدى ناسيحاتتادى، ەكسترەميستىك ارەكەتكە قاتىستى جانە ۇيىمداستىردى، سونداي-اق جاڭا جاقتاستاردى تارتتى دەپ كۇدىكتەلۋدە. تىنتۋ بارىسىندا تۇرعىن ۇيلەرىنەن ءدىني ماتەريالدار مەن باسقا دا زاتتاي دالەلدەمەلەر تاركىلەنگەن. قازىرگى ۋاقىتتا قىلمىستىق كودەكستىڭ 256, 259 جانە 405-باپتارى بويىنشا سوتقا دەيىنگى تەرگەپ-تەكسەرۋ جۇرگىزىلۋدە، – دەلىنگەن ۇقك ءباسپاسوز قىزمەتى حابارلاماسىندا.

قىلمىستىق-پروتسەستىك كودەكستىڭ 201-بابىنىڭ 1-تارماعىنا سايكەس وزگە اقپارات جاريا ەتۋگە جاتپايدى.

دەرەككوزى: qaz365.kz

Abai.kz