قىلمىستىق ىستەر جونىندەگى مامانداندىرىلعان اۋدانارالىق اسكەري سوتىندا قك 99-بابىنىڭ 1-بولىگى (كىسى ءولتىرۋ) بويىنشا سوتقا بەرىلگەن د.-عا قاتىستى قىلمىستىق ءىس قارالۋدا.

قازاقستان رەسپۋبليكاسى قىلمىستىق-پروتسەستىك كودەكسىنىڭ 71-بابىنىڭ 3-بولىگىنە سايكەس، قىلمىستىق پروتسەسكە قاتىسۋشى تۇلعا جابىرلەنۋشى دەپ سوت قاۋلىسىنىڭ نەگىزىندە تانىلادى.

ەگەر تۇلعانى جابىرلەنۋشى دەپ تانۋعا نەگىزدەردىڭ جوقتىعى انىقتالسا، قىلمىستىق پروتسەستى جۇرگىزەتىن ورگان ءوزىنىڭ قاۋلىسىمەن اتالعان تۇلعانىڭ كورسەتىلگەن مارتەبەسىندە قاتىسۋىن توقتاتۋعا مىندەتتى.

سوت انىقتاعانداي، ەلەكتروندى قىلمىستىق ءىس ماتەريالدارىندا ك.-نى جابىرلەنۋشى دەپ تانۋ تۋرالى قاۋلى جوق.

ك.، قايتىس بولعان بالانىڭ اناسىمەن نەكەدە تۇرماعان،
بالانىڭ اناسىنىڭ ايتۋىنشا، بالانى كۇتىپ-باعۋعا اقشالاي قاراجات تولەمەگەن، ماتەريالدىق كومەك كورسەتپەگەن.

ك.-نىڭ قازا بولعان اسكەري قىزمەتشىنىڭ اكەسى ەكەنىن راستايتىن قۇجاتتار جوق.

سونىمەن قاتار سوت قايتىس بولعان اسكەري قىزمەتشىنىڭ اكەسى رەتىندە باسقا ادامنىڭ تىركەلگەنىن انىقتادى.

وسىعان بايلانىستى سوت تالقىلاۋى بارىسىندا پروكۋرور سوتتان ك.-نى جابىرلەنۋشىلەر تىزىمىنەن شىعارۋدى سۇرادى.

سوندىقتان ك.-نىڭ جابىرلەنۋشى جانە ازاماتتىق تالاپ قويۋشى رەتىندە قاتىسۋى توقتاتىلدى.

بۇل رەتتە ك.-نىڭ اشىق رەجيمدە ءوتىپ جاتقان سوت وتىرىسىنا قاتىسۋىن جالعاستىرۋعا قۇقىعى بار.

Abai.kz