1 اقپاننان باستاپ ەلىمىزدە جارىق باعاسى بىردەن 20 پايىزعا ءوستى. مينيسترلىكتىڭ مالىمەتىنشە، ەلدە بار باس-اياعى 36 ەلەكتر ستانتسياسى ءتاريفتى كوتەرگەن. بۇل تۋرالى qaz365.kz سايتى جازدى.

«جەكە جانە زاڭدى تۇلعالار ءۇشىن تۇپكىلىكتى ءتاريفتى تابيعي مونوپوليا سالاسىنداعى ۋاكىلەتتى ورگان – قازاقستان ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى رەتتەيدى. ءبىز قازىر ءتاريفتى بەكىتتىك، ارى قاراي ەنەرگيا بەرۋشى ۇيىمدار قاعيدالارى نەگىزىندە ءوتىنىش تاستايدى، سوسىن ارى قاراي ۇلتتىق ەكونوميكاداعى ارىپتەستەر شەشىم قابىلداپ، جاڭا تاريف بەكىتەدى»، - دەيدى ەنەرگەتيكا مينيسترلىگى، ەلەكتر ەنەرگەتيكاسىن دامىتۋ دەپارتامەنتىڭ باس ساراپشىسى جانارىس مۇساحانۇلى.

ياعني قاراپايىم تۇتىنۋشىلار ەلەكتر قۋاتىنىڭ ءبىر كيلوۆاتى ءۇشىن ەكى تەڭگەگە ارتىق تولەمەك. ءتاريفتىڭ وزگەرۋىنە قىزمەتكەرلەردىڭ جالاقىسىنىڭ كوتەرىلۋى، وتىن رەتىندە پايدالانىلاتىن كومىر مەن گاز باعاسىنىڭ ءوسۋى، سونداي-اق ستانتسيالاردا جۇرگىزىلەتىن جاڭارتۋ جۇمىستارى سەبەپ بولىپ وتىر.

Abai.kz