ماسكەۋدەگى «الىە پارۋسى» ەليتالىق تۇرعىن ءۇي كەشەنىندەگى جارىلىستان ۋكراينادا سوعىسىپ جاتقان «اربات»-تى (ارميان باتالونىن) قۇرعان ارمەن گورلوۆسكي رەتىندە بەلگىلى ارمەن ناگاپەتوۆيچ ساركيسيان قازا تاپتى.

الدىن الا مالىمەتتەر بويىنشا، ماسكەۋدىڭ سولتۇستىك-باتىسىنداعى «الىە پارۋسى» تۇرعىن ءۇي كەشەنىندەگى جارىلىستان اۋىر جاراقات العاندىعىن قۇقىق قورعاۋ ورگاندارىنان حابارلادى.

ساركيسيان اۋرۋحاناعا جاتقىزىلدى. ونىڭ جاعدايى وتە اۋىر دەپ باعالانادى. وعان باس پەن كەۋدەنىڭ اۋىر جاراقاتتارى دياگنوزى قويىلعان. رەسەيلىك باق-تىڭ حابارلاۋىنشا، جاراقات سالدارىنان دارىگەرلەر ارمەن ساركيسياننىڭ سول اياعىن كەسىپ تاستاۋعا ءماجبۇر بولعان.

ونىڭ جاعدايى اۋىر كۇيىندە قالىپ وتىر دەگەن حاباردان كەيىن العان جاراقاتىنان قازا بولعانى بەلگىلى بولدى.

«الىە پارۋساداعى» جارىلىس فاكتىسى بويىنشا ءۇش باپ بويىنشا ءىس قوزعالدى.
اتاپ ايتساق، ەكى جانە ودان دا كوپ ادامدى ولتىرۋگە وقتالۋ، قاۋىپتى تاسىلمەن كىسى ءولتىرۋ جانە زاڭسىز قارۋ اينالىمى.

تەرگەۋ وسى سەبەپتەردىڭ ەكى نۇسقاسىن قاراستىرۋدا: ءبىرىنشىسى – بيزنەستى بولىسە الماۋ; ەكىنشىسى - 2015 جىلدان بەرى «بىتىمگەرشىنىڭ» بازاسىندا تىركەلگەن «اربات» باتالونىن قۇرعان ارمەن ساركيسيانعا ۋكرايندار تارپىنان جاسالعان قاستاندىق.

Abai.kz