كەشە ۋكراينا اسكەرىنىڭ رەسەيدىڭ كۋرسكى وبلىسىنا اسكەر باستاپ كىرگەنىنە تۇپ-تۋرا جارتى جىل بولدى.

ۋكراينا اسكەرى رەسەيدىڭ شەكارا شەبىندە جاتقان كۋرسكى وبلىسىنىڭ اۋماعىنا 2024 جىلدىڭ 6 تامىزىندا اسكەر باستاپ كىردى. ال 15 تامىزعا دەيىن كۋرسكى وبلىسىندا ۇزىن-سانى 1000 شارشى شاقىرىم جەر ۋكراينا باقىلاۋىنا ءوتىپ ۇلگەردى. ۋكراينانىڭ اسكەرباسى سىرسكيدىڭ ەسەبىنشە: سول كەزدىڭ وزىندە كۋرسكى وبلىسىنداعى 82 ەلدىمەكەن ۋكراينا باقىلاۋىندا بولعان. سونىڭ ىشىندە رەسەي ءۇشىن ستراتەگيالىق ماڭىزعا يە سۋدجا قالاسى دا بار.

2024 جىلدىڭ اياعىنا قاراي، رەسەي قارسى شابۋىلدار ۇيىمداستىردى. كۋرسكىنى قورعاۋ ءۇشىن قوسىمشا اسكەر مەن تەحنيكالار جىبەردى. ناتيجەسىندە، 40 پايىزعا جۋىق اۋماقتى قايتارا الدى. دەسە دە، كۇنى بۇگىنگە دەيىن رەسەي ۋكراينانى كۋرسكىدەن ىعىستىرىپ شىعارا العان جوق.

فاكت: بۇل سوڭعى 80 جىلدا، ياعني ەكىنشى دۇنيەجۇزىلىك سوعىستان سوڭ قانداي دا ءبىر شەت مەملەكەتتىڭ رەسەي اۋماعىنا اسكەر كىرگىزىپ، تۇتاستاي وبلىستىڭ ەداۋىر بولىگىن ءوز باقىلاۋىنا العان العاشقى جاعداي.

ۋكراينانىڭ باس شتابى: «كۋرسكى وپەراتسياسىن باستاۋداعى باستى سەبەپ – رەسەيدىڭ سۋمكى مەن حاركوۆكە شابۋىلىنىڭ جولىن كەسۋ بولدى»، - دەيدى.

رەسەي كۋرسكى وبلىسىن قورعاۋ ءۇشىن اپتي الاۋدينوۆ باستاعان شەشەن باتالونىن جىبەرگەن. ولاردىڭ قايراتى جەتپەگەن سوڭ، سولتۇستىك كورەيدەن كومەك سۇراۋعا ءماجبۇر بولدى. بۇل دا فاكت. پحەنيان ماسكەۋگە كومەككە 12 مىڭ ساربازىن جىبەردى. ولار كۋرسكىنى قورعاۋعا جىبەرىلدى. دەسە دە، كيم اسكەرى دە كۋرسكى قورعانىسىن ۇستاپ تۇرا المادى. ناتيجەسىندە مايدان شەبىنەن شەگىنۋگە شەشىم قابىلدادى. كۋرسكىدەگى جالپى احۋال وسى...

قىسقاسى: الداعى ۋاقىتتا سوعىستى ديپلوماتيالىق رەتتەۋدە كۋرسك وبلىسى ۋكراينانىڭ باستى كوزىرى بولماق!

نۇرگەلدى ابدىعانيۇلى

Abai.kz