بەيسەنبى, 20 اقپان 2025
46 - ءسوز 1775 8 پىكىر 14 اقپان, 2025 ساعات 14:49

قىتاي عىلىمدا الەمدىك كوشباسشى بولۋعا ۇمتىلۋدا

سۋرەت: digital.ru سايتىنان الىندى.

(ەگەر، تومەندەگى جازىلعان قۇجاتتان يدەولوگيالىق اسپەكتىنى الىپ تاستار بولساق، وندا مۇنداي باعدارلاما قىتاي مەملەكەتىن جاڭا ساتىعا كوتەرۋدىڭ تەتىگى بولىپ شىعاتىنى انىق)

قحر باسشىلىعى «كۇشتى ءبىلىم بەرۋ مەملەكەتىن قۇرۋ جوسپارىنىڭ جوباسىن» (2024-2035 جج.) قابىلدادى.

بۇل وتە اۋقىمدى باستاما بولىپ كورىنەدى. مىنە، تىعىز جازىلعان 15 بەتتىك قۇجاتتىڭ قىسقاشا مازمۇنى:

يدەولوگيا – بارىنەن جوعارى. سي تسزينپين يدەيالارىن وقىتۋ، ءبىلىم بەرۋدى پارتيا باسشىلىعىنا باعىندىرۋ، مۇعالىمدەر مەن ستۋدەنتتەردىڭ مورالدىق كەلبەتىن جاقسارتۋ، قىتاي فيلوسوفياسى مەن ماركسيزم بويىنشا جاڭا كۋرستار ەنگىزۋ. «ءبىلىم بەرۋ مەكەمەلەرى ستۋدەنتتەردىڭ كوپشىلىگى ءاردايىم پارتياعا، ەلگە، حالىققا جانە سوتسياليزمگە ادال بولۋىن قامتاماسىز ەتۋى كەرەك».

جوسپارعا ساي: 2027 جىلعا قاراي ساپالى ءبىلىم بەرۋ جۇيەسى قالىپتاسادى، ءبىلىم بەرۋ قۇرىلىمدارى ەكونوميكانىڭ قاجەتتىلىكتەرىنە ساي كەلەدى. 2035 جىلعا قاراي قىتاي الەمدىك ءبىلىم بەرۋ ورتالىعىنا اينالىپ، جالپى ءبىلىم بەرۋ ساپاسى بويىنشا كوشباسشىلاردىڭ ءبىرى بولادى.

تسيفرلاندىرۋ: ونلاين-ءبىلىم بەرۋدى كەڭەيتۋ، بارلىق پروتسەستەردى تسيفرلىق باسقارۋ، جاساندى ينتەللەكتتى ىلگەرىلەتۋ، وزىق تەحنولوگيالاردى بارىنشا ەنگىزۋ.

قاتال تيىمدىلىك باعالاۋ جۇيەسىن ەنگىزۋ – كوللەدجدەر مەن ۋنيۆەرسيتەتتەردىڭ، سونداي-اق جەكەلەگەن وقىتۋشىلاردىڭ قىزمەتىن قاتاڭ باقىلاۋ.

پراكتيكالىق وقىتۋعا باسىمدىق بەرۋ. ۋنيۆەرسيتەتتەگى ءبىلىم بەرۋ مەن ەڭبەك نارىعى اراسىندا تىكەلەي بايلانىس ورناتۋ. ەسكىرگەننىڭ ءبارى – تاريحقا كەتەدى!

جاڭا بۋىن وقۋلىقتارى جانە قوعامتانۋ مەن ساياساتتانۋ بويىنشا جاڭا كۋرستار.

ستۋدەنتتەردىڭ دەنساۋلىعىنا قامقورلىق جاساۋ ء(تىپتى ۋنيۆەرسيتەتتىك فۋتبولدى دامىتۋ جانە ارتىق سالماقپەن كۇرەس شارالارى دا قاراستىرىلعان!).

فۋندامەنتالدى جانە پانارالىق عىلىمداعى سەرپىلىس. عىلىم جاريالانىمدار سانىنا ەمەس، ەنگىزىلگەن ناتيجەلەردىڭ تيىمدىلىگىنە قاراي باعالانادى.

شەتەلدىك وقىتۋشىلار مەن زەرتتەۋشىلەردى بارىنشا تارتۋ. شەتەلدىك جەتەكشى عىلىمي-تەحنيكالىق ۋنيۆەرسيتەتتەردىڭ قىتايدا كوللەدجدەر اشۋىن ىنتالاندىرۋ.

ءبىلىم بەرۋدى قارجىلاندىرۋ – ءجىو-ءنىڭ كەمىندە 4%-ى.

اۆتوردان: ءبىزدىڭ قازاقستاندىق عالىمدار كوتەرۋى ءتيىس وتە وزەكتى تاقىرىپ ەكەن. كەيىنگى جازبالاردا وسى تاقىرىپقا ارنايى توقتالاتىن شىعارمىن.....

ازىرگە، وسىدان وي تۇيە بەرىڭىزدەر.

ءابدىراشيت باكىرۇلى

Abai.kz

8 پىكىر