قارجى نارىعىن رەتتەۋ اگەنتتىگىنىڭ حابارلاۋىنشا، ەندى ءبىر بانكتىڭ بەس نەمەسە ودان دا كوپ كارتاسى بار ازاماتتار نازاردا بولادى. ولاردى ءتىپتى زاڭسىز اقشا اينالىمىنا قاتىسى بولۋى مۇمكىن دەپ ارنايى ساناتقا كىرگىزەدى.

قارجى ۇيىمىنىڭ ءوزى بىرنەشە كارتاسى بار كليەنتىنىڭ كىمگە اقشا اۋدارعانىن، كىمنەن اقشا تۇسكەنىن تەكسەرىپ، اقپاراتتى ساقتاپ وتىرۋعا مىندەتتەلەدى. قۇزىرلى ورگاندار بۇگىندە الاياقتارعا ۇرلانعان قاراجاتتى شىعارۋعا كومەكتەسەتىن دروپپەرلەر كوبەيگەنىن ءجيى ايتادى

"بۇل شارالار نەگىزىنەن ەسىرتكىنىڭ زاڭسىز اينالىمى تاۋەكەلدەرىن بارىنشا ازايتۋ ماقساتىندا جانە دروپپەرلەر سانىن ازايتۋ ءۇشىن قابىلدانعان. وسىعان وراي بانك قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل تۋرالى قر زاڭىنا سايكەس قوسىمشا مالىمەت سۇراۋى مۇمكىن", – دەدى قر قارجى نارىعىن رەتتەۋ جانە دامىتۋ اگەنتتىگىنىڭ باسقارما باس مامانى اسقار سەيدانوۆ.

Abai.kz