اقوردا جارلىعىندا:

«مەملەكەت باسشىسىنىڭ وكىمىمەن رۋسلان سۇلتانۇلى جەلدىباي قازاقستان رەسپۋبليكاسى پرەزيدەنتىنىڭ كەڭەسشىسى – پرەزيدەنتتىڭ ءباسپاسوز حاتشىسى لاۋازىمىنا تاعايىندالدى»، - دەپ جازىلعان.

بۇل تاعايىنداۋعا دەيىن رۋسلان جەلدىباي پرەزيدەنتتىڭ ىشكى ساياسات جانە كوممۋنيكاتسيالار جونىندەگى كومەكشىسى بولعان.

رۋسلان جەلدىباي «بولاشاق» حالىقارالىق ءبىلىم بەرۋ باعدارلاماسىنىڭ تۇلەگى (ۇلىبريتانيانىڭ ۋورۆيك ۋنيۆەرسيتەتىنىڭ ماگيسترى).

ول «قازاقستان» تەلەارناسىنىڭ باس رەداكتورى، «الماتى» تەلەارناسىندا پروديۋسەر، اقپارات كوميتەتىنىڭ اقپاراتتىق جۇمىس ءبولىمىن باسقاردى، ال 2022 جىلدىڭ ساۋىرىنەن 2023 جىلدىڭ قاڭتارىنا دەيىن قازاقستان پرەزيدەنتىنىڭ ءباسپاسوز حاتشىسى بولدى.

Abai.kz