ساۋدا جانە ينتەگراتسيا ءمينيسترى ارمان شاققاليەۆ Wildberries-كە قاتىستى تۋىنداعان ماسەلەگە پىكىر ءبىلدىردى.

ءمينيستردىڭ سوزىنشە، كاسىپكەرلەر ماركەتپلەيس نەمەسە ساۋدا پلاتفورماسىن تاڭداعاندا باعا مەن ساپانىڭ اراقاتىناسىن، جەتكىزۋ جىلدامدىعىن ەسكەرگەن ءجون. سونداي-اق ول وتاندىق ماركەتپلەيستەردى پايدالانۋعا شاقىردى. ىقتيمال تاۋەكەلدەردى الدىن الا باعالاۋ قاجەتىگى تۋرالى دا ايتىلدى.

"بۇگىندە ەلىمىزدە وتاندىق ماركەتپلەيستەردىڭ ۇلەسى جوعارى. سوندىقتان مۇمكىندىگىنشە ءوزىمىزدىڭ ونلاين ساۋدا الاڭدارى ارقىلى تاپسىرىس بەرىپ، ۋاقىتىندا ءارى كەپىلدى تۇردە جەتكىزىلەتىن ءونىمدى تاڭداعان ءجون. مەنىڭ كەڭەسىم قاراپايىم: سەنىم ۇيالاتاتىن ماركەتپلەيستەردى تاڭداڭىز جانە نارىقتاعى جاعدايدى ۇنەمى باقىلاپ وتىرىڭىز", – دەدى ارمان شاققاليەۆ ۇكىمەت وتىرىسىنان كەيىنگى بريفينگتە.

Abai.kz