تۇركيا پرەزيدەنتى اكىمشىلىگىنىڭ وكىلى فاحرەتتين التۋن ەردوعاننىڭ شاقىرۋىمەن ۋكراينا پرەزيدەنتى زەلەنسكيدىڭ تۇركياعا ساپارلاي كەلگەنىن جازدى. 

ساپار بارىسىندا ەكى ەلدىڭ ستراتەگيالىق ارىپتەستىگى مەن ىنتىماقتاستىعىن نىعايتۋ تالقىلانادى. ەڭ باستىسى، كوشباسشىلار ۋكرايناداعى سوڭعى وقيعالار جانە باسقا دا ايماقتىق، جاھاندىق ماسەلەلەر تۋرالى پىكىر الماسادى دەپ جوسپارلانعان.

17 اقپاندا ەلدىڭ ءسىم-ءنىڭ باسشىسى حاكان فيدان انكارا ۋكرايناداعى بەيبىتشىلىكتى نىعايتۋ جانە ەلدى قالپىنا كەلتىرۋ ءۇشىن كەز كەلگەن ءرول اتقارۋعا دايىن ەكەنىن حابارلاعان ەدى. ونىڭ سوزىنشە، كەلىسىمگە كەلۋ وڭايعا سوقپايدى.

– يدەالدى الەمدە ءبىز ۋكراينانىڭ اۋماقتىق تۇتاستىعىن ساقتاعىمىز كەلەدى. بىراق قازىر، وكىنىشتىسى سول جاعىمسىز شەشىمدەر قابىلداۋعا تۋرا كەلەدى. قازىر تاراپتار بۇل تاڭداۋدى جاساۋعا تىرىسۋدا: ولار نە بەرە الادى، نەنى ساقتاي الادى، كەيىنىرەك نە تۋرالى سويلەسۋگە بولادى، – دەدى ول. 

فيدان سونداي-اق، قاقتىعىستىڭ بارلىق قاتىسۋشىسى، سونىڭ ىشىندە تىكەلەي سوعىسپايتىندار دا ءوز باسىمدىقتارىن ءبىرىنشى ورىنعا قوياتىنىن اتاپ ءوتتى.

زەلەنسكي الەۋمەتتىك جەلىسىندە تۇركياعا رەسمي ساپارى اياسىندا تۇتقىنداردىڭ ۇيىنە ورالۋىن، ازىق-تۇلىك قاۋىپسىزدىگى ماسەلەلەرىن تالقىلاۋ جوسپارلانعانىن جەتكىزدى.

Abai.kz