بقو بوكەي ورداسى اۋدانىندا "بەلگىسىز اپپارات" تابىلدى
جەرگىلىكتى پوليتسيا اقپاراتتى راستاپ، تەكسەرۋ جۇرگىزىپ جاتقانىن مالىمدەدى.
"پروستو جۋرناليستيكا" ارناسى جەرگىلىكتى تۇرعىنعا سۇيەنە وتىرىپ، قۇلاعان اپپاراتتىڭ سۋرەتىن جاريالادى. ونىڭ بۇل اۋماققا قالاي تۇسكەنى بەلگىسىز.
بوكەي ورداسى اۋدانىنىڭ اكىمى نۇرلىبەك داۋموۆتىڭ سوزىنشە، درون قازاقستاننىڭ اسكەريلەرىنە تاپسىرىلعان. اۋىل رەسەيلىك كاپۋستين يار پوليگونىنا جاقىن جاتىر.
جۋرناليست، اسكەري ساراپشى امانگەلدى قۇرمەتۇلى الەۋمەتتىك جەلىدەگى پاراقشاسىندا قۇلاعان درون رەسەيلىك "ورلان-10" مودەلىنە ۇقسايدى دەپ جازدى. ونىڭ سوزىنشە، بىرقاتار رەسەيلىك جانە جەرگىلىكتى مەديا اپپارات فرانتسۋزدىق SAGEM كومپانياسى جاساعان Crecerelle بارلاۋ درونىنا ۇقسايدى دەپ ايتسا دا، اشىق دەرەككوزدەردەن قۇلاعان اپپاراتقا ۇقسايتىن مودەلىن تاپپاعان.
Abai.kz
