«اق جول» شالعايداعى ونەركاسىپ نىساندارىندا قاۋىپسىزدىكتى قامتاماسىز ەتۋ ءۇشىن Starlink-ءتى پايدالانۋعا رۇقسات بەرۋدى تالاپ ەتەدى.

«اق جول» فراكتسياسىنىڭ دەپۋتاتتىق ساۋالى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رومان سكلياردىڭ اتىنا جولدانعان.

2025 جىلدىڭ 20 اقپانىندا مەملەكەت باسشىسى ق.توقاەۆ «قازاقمىس» كورپوراتسياسىنىڭ كەن ورىنىندا بولعان قايعىلى وقيعاعا بايلانىستى ۇكىمەتكە وندىرىستەگى قاۋىپسىزدىكتى قامتاماسىز ەتۋ بويىنشا ناقتى شارالار قابىلداۋدى تاپسىردى، ونىڭ ىشىندە:

- ونەركاسىپتىك نىسانداردا زاماناۋي قاۋىپسىزدىك جۇيەلەرىن، سونىڭ ىشىندە گاز دابىلدارىن، سەيسميكالىق داتچيكتەردى، پوزيتسيالاۋ جۇيەلەرىن جانە ت.ب. ازىرلەۋ جانە ەنگىزۋ;
- اۆتوماتتاندىرىلعان بولجاۋ جانە ەسكەرتۋ جۇيەلەرىن ەنگىزۋ بولىگىندە وبەكتىلەردە تسيفرلاندىرۋدى قامتاماسىز ەتۋ;
- ونەركاسىپتىك قاۋىپسىزدىكتىڭ زاماناۋي جۇيەلەرىنە ينۆەستيتسيا كولەمىن ارتتىرۋدى قامتاماسىز ەتۋ.

«اق جول» دەمپارتياسى شالعاي جانە جەتۋگە قيىن جەرلەردە ورنالاسقان ونەركاسىپتىك نىساندار، مىسالى، كەنىشتەر، بايىتۋ فابريكالارى جانە ت.ب. ءۇشىن پرەزيدەنتتىڭ بۇل تاپسىرمالارىنىڭ ومىرلىك ماڭىزى بار دەپ ەسەپتەيدى. «اق جول» دەمپارتياسىنا جۇگىنگەن وتاندىق اقپاراتتىق تەحنولوگيالار سالاسىنداعى كومپانيالاردىڭ ايتۋىنشا، ولار تاۋ-كەن كومپانيالارىنا ءوز كەنىشتەرىندە گاز اناليزاتورلارى، سەيسميكالىق داتچيكتەر، بايلانىس جۇيەلەرى سياقتى تسيفرلىق قاۋىپسىزدىك جۇيەلەرىن ورناتۋدى بىرنەشە رەت ۇسىنعان. الايدا، كاسىپورىنداردىڭ بۇل ۇسىنىستارعا قىزىعۋشىلىق تانىتقانىنا قاراماستان، اتالعان ونەركاسىپ نىساندارى ورنالاسقان شالعاي اۋدانداردا ينتەرنەت جەلىسىنىڭ بولماۋىنا بايلانىستى بۇل باستامالاردىڭ جۇزەگە اسىرىلۋى مۇمكىن بولماي قالدى.

وسىعان بايلانىستى، 2024 جىلدىڭ قاراشاسىندا بيزنەس وسى اۋماقتى تسيفرلىق بايلانىسپەن قامتۋ ءۇشىن Starlink جەلىسىن پايدالانۋعا رۇقسات بەرۋ تۋرالى وتىنىشپەن تسيفرلاندىرۋ مينيسترلىگىنە ءوتىنىش جولداعان بولاتىن (كوشىرمە قوسا بەرىلگەن). الايدا مينيسترلىك بۇل ءوتىنىشتى ەلەمەدى.

ال، بۇل ماسەلە شەشىلمەسە، مەملەكەت باسشىسىنىڭ تاپسىرمالارى ءتيىستى دەڭگەيدە ورىندالماي قالۋى مۇمكىن ەكەنى انىق.
«اق جول» دەمپارتياسى 2021, 2022 جانە 2023 جىلدارداعى دەپۋتاتتىق ساۋالدارىندا Starlink جۇيەسىن شالعاي ەلدى مەكەندەردە ورناتۋعا رۇقسات بەرۋ قاجەتتىلىگى تۋرالى ماسەلەنى جۇيەلى تۇردە كوتەرگەنىن ەسكە سالامىز (18.11.2021 ج. دس-326, 30.09.2021 ج.، دس-274, 01.12.2023 ج. دس-456).
الايدا اقپارات مينيسترلىگى بۇل باستاماعا تاباندىلىقپەن قارسى شىقتى. ءبىزدىڭ بىرنەشە رەت تالاپ ەتكەنىمىزدەن كەيىن عانا Starlink-ءتى، جانە تەك اۋىلدىق مەكتەپتەر ءۇشىن پايدالانۋعا رۇقسات بەرىلدى.

شالعايداعى ونەركاسىپتىك نىسانداردا، جول اپات بولعان جاعدايدا كولىك جولدارىندا، جايىلىمدىق مال شارۋاشىلىعىندا جانە ادام ومىرىنە قاۋىپ توندىرەتىن باسقا دا جاعدايلاردا ونەركاسىپتىك قاۋىپسىزدىكتى قامتاماسىز ەتۋ ءۇشىن وسىنداي شەكتەۋلەردى الىپ تاستاۋ كەرەك دەپ ەسەپتەيمىز.

وسىعان بايلانىستى «اق جول» دەپۋتاتتىق فراكتسياسى ۇسىنادى:
1. شالعايداعى ونەركاسىپ نىساندارىندا سپۋتنيكتىك تەحنولوگيالار ارقىلى ينتەرنەتكە قول جەتكىزۋدى ەنگىزۋگە قاتىستى رەتتەۋ ساياساتىن قاراستىرۋ.
2. ءداستۇرلى بايلانىس ينفراقۇرىلىمىمەن قامتىلماعان اۋماقتاردا ورنالاسقان كەنىشتەر مەن كەن ورىندارىندا سپۋتنيكتىك ينتەرنەتكە قولجەتىمدىلىكتى قامتاماسىز ەتۋ.
3. تاۋ-كەن ءوندىرۋ سالاسىنىڭ كاسىپورىندارى، جول قىزمەتتەرى، جايىلىمدىق مال شارۋاشىلىعى جانە ت.ب. ءۇشىن زاماناۋي سپۋتنيكتىك جۇيەلەردى پايدالانۋعا رۇقسات الۋ راسىمدەرىن جەڭىلدەتۋ.
4. وسى تەحنولوگيانىڭ تيىمدىلىگىن باعالاۋ ءۇشىن قاشىقتاعى وندىرىستىك نىسانداردى Starlink جۇيەسىنە قوسۋ بويىنشا پيلوتتىق جوبالاردى ىسكە قوسۋ.

Abai.kz