قالالىق كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى سوتتالدى.

سىبايلاس جەمقورلىققا قارسى ءىس-قيمىل اگەنتتىگى مەملەكەت باسشىسىنىڭ تاپسىرماسىن ورىنداۋ ماقساتىندا قوعامداعى زاڭدىلىق پەن ءتارتىپ قاعيداتىن قامتاماسىز ەتۋگە ەرەكشە نازار اۋدارادى.

الماتى قالاسى مەدەۋ اۋداندىق سوتى قالالىق كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى ن. كاجيننىڭ ۇكىمىن جاريالادى.

ول اۋلا اۋماقتارىن سانيتارلىق تازالاۋ بويىنشا جۇمىستاردى مەملەكەتتىك ساتىپ الۋ شارتتارىن جاساسۋعا جاردەمدەسۋ سىلتاۋىمەن 19,5 ملن تەڭگە سوماسىندا جەرگىلىكتى كاسىپكەردىڭ اقشالاي قاراجاتىن يەمدەنگەنى ءۇشىن كىنالى دەپ تانىلدى.

كاجينگە مەملەكەتتىك قىزمەتتە جانە مەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويىنا ايىرا وتىرىپ، 6 جىلعا باس بوستاندىعىنان ايىرۋ جازاسى تاعايىندالدى.

وسى ۇكىممەن مەملەكەت كىرىسىنە اينالاتىن جالپى سوماسى 21 ملن تەڭگەدەن استام ەكى اۆتوكولىك قۇرالى تۇرىندە مۇلكى تاركىلەندى.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz