«تازا قازاقستان» رەسپۋبليكالىق ەكولوگيالىق باعدارلاماسى اياسىندا جەتىسۋ وبلىسىندا «ىستىق ۇيا» ەكولوگيالىق اكتسياسى ءوتتى. اكتسيانىڭ ماقساتى – تۇمسا تابيعاتتى قورعاۋ مەن ەكولوگيالىق تەپە-تەڭدىكتى ساقتاۋدىڭ ماڭىزدىلىعىنا حالىقتىڭ نازارىن اۋدارۋ، سونداي-اق جەرگىلىكتى قۇستارعا قولايلى ورتا جاساۋ.

ءىس-شارا بارىسىندا قاتىسۋشىلار ۇيا جاساپ، ولاردى جاسىل ايماقتاردا، ساياباقتاردا جانە قۇستاردىڭ ۇيا سالۋىنا قولايسىز جەرلەرگە ورناتتى. اكتسيا اياسىندا ءبىلىم بەرۋ دارىستەرى مەن شەبەرلىك سىنىپتارى وتكىزىلىپ، ول حالىقتىڭ، اسىرەسە جاستاردىڭ، ەكوجۇيەنى قورعاۋ مەن قۇستاردىڭ ماڭىزدىلىعى تۋرالى ەكولوگيالىق ساۋاتتىلىعىن ارتتىرۋعا باعىتتالدى.

سۋرەت: جەتىسۋ وبلىسى اكىمدىگىنىڭ ءباسپاسوز قىزمەتىنەن الىندى.

«تازا قازاقستان» جوباسى اياسىندا ەلىمىزدە ەكولوگيالىق مادەنيەتتى دامىتۋ، قورشاعان ورتانى قورعاۋ جانە تابيعات تازالىعىن ساقتاۋ يدەيالارىن ناسيحاتتاۋ جالعاستىرىلۋدا. «ىستىق ۇيا» ەكولوگيالىق اكتسياسى ايماقتا تۇمسا تابيعاتتى قورعاۋ ماسەلەلەرىن شەشۋدە ماڭىزدى قادام بولىپ وتىر.

«ىستىق ۇيا» ەكولوگيالىق اكتسياسى ايماقتىڭ بيولوگيالىق الۋان تۇرلىلىگىن قولداۋعا ءارى ساقتاۋعا ماڭىزدى ۇلەس قوسۋدا.

«مەيىرىمدى جەتىسۋ» ۆولونتەرلىك فرونت-ءوفيسىنىڭ جەتەكشىسى شىراي ساماتقىزى: «ءبىز، جاستار، «ىستىق ۇيا» اكتسياسى ەكوجۇيەنى ساقتاۋ ماسەلەسى جونىندە حالىقتىڭ قىزىعۋشىلىعىن ارتتىرىپ قانا قويماي، ازاماتتاردىڭ تابيعاتقا دەگەن جاۋاپكەرشىلىگىن قالىپتاستىرۋعا كومەكتەسەدى دەپ ۇمىتتەنەمىز. مۇنداي شارالار ەلىمىزدىڭ باسقا وبلىستارىنا ۇلگى بولىپ،  تابيعاتقا سانالى كوزقاراس قالىپتاستىرۋعا، ەكولوگيالىق تەپە-تەڭدىكتى ساقتاۋعا ىقپال ەتەدى».

سۋرەت: جەتىسۋ وبلىسى اكىمدىگىنىڭ ءباسپاسوز قىزمەتىنەن الىندى.

جالپى جەتىسۋ وبلىسى بويىنشا «تازا قازاقستان» رەسپۋبليكالىق ەكولوگيالىق باعدارلاماسى اياسىندا جىل باسىنان 740 جاستىڭ قاتىسۋىمەن 200-گە جۋىق اكتسيالار ۇيىمداستىرىلدى.

وبلىستىق قوعامدىق دامۋ باسقارماسىنىڭ مالىمەتى بويىنشا دايىندالدى.

Abai.kz