جۋىردا قر ۇكىمەت باسشىسىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ ءباسپاسوز قاتشىسى مەن باق وكىلدەرىنىڭ اراسىنداعى تۇسىنىسپەۋشىلىككە بۇگىن قر مادەنيەت جانە اقپارات ءمينيسترى ايدا بالاەۆا پىكىر ءبىلدىردى.

مينيستر بالاەۆا: «جۋرناليست مادينا جاتقانباەۆاعا قاتىستى ورىن العان جاعداي، وكىنىشكە قاراي، اككرەديتاتسيا ەرەجەلەرىنىڭ ساقتالماۋى مەن پرەمەر-ءمينيستردىڭ ورىنباسارىنىڭ ءباسپاسوز حاتشىسىنىڭ ارەكەتىنە بايلانىستى تۋىندادى»، - دەيدى.

ايدا عالىمقىزى: «مەملەكەتتىك ورگاندار ۇيىمداستىراتىن ءىس-شارالاردا جۋرناليستەر بەلگىلەنگەن اككرەديتاتسيا تالاپتارى مەن رەگلامەنتتى قاتاڭ ساقتاۋ قاجەت ەكەنىن ەستەن شىعارماعانى ءجون. سونىمەن قاتار، مەملەكەتتىك قىزمەتشىلەر دە بۇقارالىق اقپارات قۇرالدارى وكىلدەرىنە قۇرمەتپەن قاراپ، ولاردىڭ كاسىبي قىزمەتىنە كەدەرگى كەلتىرمەۋگە ءتيىس»، - دەيدى.

ايدا بالاەۆا:

– قۇرمەتتى ارىپتەستەر! جۋرناليستەر مەن مەملەكەتتىك ورگانداردىڭ ءوزارا ءتيىمدى جۇمىسى قوعامنىڭ نەگىزگى قۇقىقتارىنىڭ ءبىرى – وبەكتيۆتى اقپاراتقا قولجەتىمدىلىكتى قامتاماسىز ەتەدى. الايدا، وسى بىرلەسكەن جۇمىس كەزىندە كەز كەلگەن وركەنيەتتى قوعامدا باستى قاعيداتتاردىڭ ءبىرى سانالاتىن سىيلاستىق، ەتيكا جانە مادەني قارىم-قاتىناس تولىق ساقتالا بەرمەيدى.

ءماجىلىس قابىرعاسىندا جۋرناليست مادينا جاتقانباەۆاعا قاتىستى ورىن العان جاعداي، وكىنىشكە قاراي، اككرەديتاتسيا ەرەجەلەرىنىڭ ساقتالماۋى مەن پرەمەر-ءمينيستردىڭ ورىنباسارىنىڭ ءباسپاسوز حاتشىسىنىڭ ارەكەتىنە بايلانىستى تۋىندادى.

مەملەكەتتىك ورگاندار ۇيىمداستىراتىن ءىس-شارالاردا جۋرناليستەر بەلگىلەنگەن اككرەديتاتسيا تالاپتارى مەن رەگلامەنتتى قاتاڭ ساقتاۋ قاجەت ەكەنىن ەستەن شىعارماعانى ءجون.

سونىمەن قاتار، مەملەكەتتىك قىزمەتشىلەر دە بۇقارالىق اقپارات قۇرالدارى وكىلدەرىنە قۇرمەتپەن قاراپ، ولاردىڭ كاسىبي قىزمەتىنە كەدەرگى كەلتىرمەۋگە ءتيىس.

مينيسترلىك مەملەكەتتىك ورگانداردىڭ بارلىق ءباسپاسوز قىزمەتتەرىمەن بىرلەسكەن جيىن ۇيىمداستىرىپ، بۇقارالىق اقپارات قۇرالدارى مەن مەملەكەتتىك ورگاندار اراسىنداعى ءوزارا ءىس-قيمىل تيىمدىلىگىن ارتتىرۋعا باعىتتالعان جۇمىستاردى كۇشەيتەدى. سونىمەن قاتار، بۇل باعىتتا اقپارات كوميتەتى دە كونسترۋكتيۆتى ديالوگ ورناتۋ بويىنشا جۇمىستاردى جانداندىرادى.

Abai.kz